குன்றக்குடி அடிகளார் நூல்வரிசை 13/குழந்தைமை

by கவிஞர் வாணிதாசன்

வார்ப்புரு:Db-author

பயனர்_பேச்சு:Yasercs89

தவறாக விட்டேன் தவறுதலுக்கு மன்னிக்கவும் 07:16, 19 சனவரி 2021 (UTC)

குழந்தைமை

1.சாய்ந்தாடு!	...	3
2.வா! வா!	...	5
3.வாய் திற!	...	6
4.வாடா கண்ணு	...	8

1

சாய்ந்தா டம்மா! சாய்ந்தாடு!
தங்கச் சிலையே! சாய்ந்தாடு!
காயும் நிலவே! சாய்ந்தாடு!
கண்ணே ! மணியே! சாய்ந்தாடு!

⁠1

முத்தம் தருவேன்! சாய்ந்தாடு!
முத்தே! பவளமே! சாய்ந்தாடு!
கொத்தும் கிளியே! சாய்ந்தாடு!
தோகை மயிலே! சாய்ந்தாடு!

⁠2

பொன்னே! மணியே! சாய்ந்தாடு!
புதுமணப் பூவே! சாய்ந்தாடு!
கன்னற் சுவையே! சாய்ந்தாடு!
காலை அழகே! சாய்ந்தாடு!

⁠3

அத்தை மகளே! சாய்ந்தாடு!
அழகின் பெருக்கே! சாய்ந்தாடு!
குத்து விளக்கே! சாய்ந்தாடு!
குளிர்ந்த காற்றே! சாய்ந்தாடு!

⁠4

வானச் சுடரே! சாய்ந்தாடு!
வடித்த தேனே! சாய்ந்தாடு!
காணக் குயிலே! சாய்ந்தாடு!
காட்டுப் புறாவே! சாய்ந்தாடு!⁠5

பாலும் தருவேன்! சாய்ந்தாடு!.
பழமும் தருவேன்! சாய்ந்தாடு!
மேலும் மேலும் சாய்ந்தாடு!
விலையில் மணியே! சாய்ந்தாடு!⁠6

2

அம்புலி அக்கா வா! வா!
ஆடலாம்! பாடலாம்! வா! வா!
செம்புப் பாலைக் குடிக்கலாம்!
சேர்ந்து சேர்ந்தே ஆடலாம்! ⁠1

பாட்டுப் பாடிக் குதிக்கலாம்!"
பள்ளிக் கோடிப் படிக்கலாம்!
காட்டுப் பூவைப் பறிக்கலாம்!
கட்டி மாலை தெர்டுக்கலாம்! ⁠2

வீடு கட்டிச் சமைக்கலாம்!
வெளியில் திண்ணை அமைக்கலாம்!
ஆடு கோழி வளர்க்கலாம்!
அமியில் சாந்தை அரைக்கலாம்! ⁠3

பொம்மை வைத்தே ஆடலாம்!
புதுப்புது நகைகள் போடலாம்!
அம்மா போல நடைநடந்தே
அங்கும் இங்கும் போகலாம்!⁠4

3

தம்பி! சோறு! வாய்திற!
தளிரே சோறு! வாய்திற!
கொம்புத் தேனே! வாய்திற
குளத்துப் பூவே! வாய்திற! ⁠1

காலைச் சுடரே! வாய்திற!
கட்டித் தயிரே வாய்திற!
சோலை அழகே! வாய்திற!
குழந்தைப் புலியே! வாய்திற! ⁠2

தங்கக் கட்டி! வாய்திற!
தம்பி! தம்பி! வாய்திற!
சிங்கக் குட்டி! வாய்திற!
சிறுசோ றுண்ண வாய்திற ⁠3

கொக்குக் கேட்கும் வாய்திற!
குருவி கேட்கும்! வாய்திற!
அக்காள் கேட்பார்! வாய்திற!
ஆயா கேட்பார் வாய்திற! ⁠4

அண்ணன் கேட்பார்! வாய்திற!
அம்மா கேட்பார்! வாய்திற!
கிண்ணம் கேட்கும்! வாய்திற!
கிளியே! முத்தே! வாய்திற! ⁠5

4

வாடா! வாடா! கண்ணு!
வாயில் என்னடா மண்ணு ?
சோறு வாங்கி உண்ணு! ⁠1

அம்மா புடைவை பட்டு!
அழுதால் தலையிற் குட்டு!
அடுப்பில் வேகுது பிட்டு! ⁠2

தம்பி! தம்பி! வாப்பா !
தடுக்கிற் சிரிக்குது பாப்பா !
கதவுக் கிடுவது தாழ்ப்பா! ⁠3

வாடா! வாடா! மூக்கா!
வாங்கலாம் கடையிற் சீக்கா!
மரத்திற் கூவுது காக்கா! ⁠4

தங்கைக்கு மூத்தவள் அக்கா!
தம்பிக்குப் போட்டாள் சொக்கா!
தலைமேற் பறக்குது வக்கா! ⁠5