குழந்தைச் செல்வம்/கோழி
6. கோழி
சேவற் கோழி
கோழீ ! கோழீ! வா வா;
கொக்கோ கோ என்று வா ;
கோழீ ! ஓடி வா வா ;
கொண்டைப் பூவைக் காட்டு வா.
1
குத்திச் சண்டை செய்யவோ?
குப்பை கிண்டி மேயவோ?
கத்திபோல் உன் கால்விரல்
கடவுள் தந்து விட்டனர்!
2
காலை கூவி எங்களைக்
கட்டில் விட்டெழுப்புவாய்;
வேலை செய்ய ஏவுவாய்;
வெற்றி கொண்ட கோழியே!
3
பெட்டைக் கோழி
கோழீ ! கோழீ ! வா வா:
கூரை விட்டு இறங்கி வா;
கோழீ! முட்டை இட வா:
கூட்டில் அடை காக்க வா.
4
பெட்டைக் கோழீ! வா வா;
பிள்ளைகளைக் கூட்டி வா!
குட்டை நெல்லைக் கொட்டினேன்;
கொத்திக் கொத்தித் தின்ன வா.
5
வஞ்சமாய்ப் பருந்ததோ
வானில் வட்டம் போடுது;
குஞ்சணைத்துக் காப்பாயோ?
கூட்டில் கொண்டு சேர்ப்பாயோ?
6