தமிழ்ப் பழமொழிகள் 2/கு

by கி. வா. ஜகந்நாதன்

கு

குங்குலியத் துாபம் காட்டிச் சன்னதமும் குலைந்தால் கும்பிடு எங்கே? 8440

(காட்டியும்.)

குங்குமக் கோதைக்கும் அஞ்சு பணம்; குருட்டுக் கண்ணிக்கும் அஞ்சு பணமா?

குங்குமம் இட்ட நெற்றியும் குசு விட்ட குண்டியும் சரியாகுமா?

குங்குமம் சுமந்த கழுதை வாசனை அறியுமா?

(பரிமளம்.)

குச்சத்திரம் குசுவாகப் போக.

குச்சத்திரம் குடியைக் கெடுக்கும். 8445

குச்சு நாய்க்கு மச்சு வீடா?

குச்சு வீடு கட்டி அல்லவா மச்சு வீடு கட்ட வேண்டும்?

குசத்தாதனும் இடை ஆண்டியும் இல்லை.

குசத்தி நாக்கை அறுத்தாலும் குண்டு மூன்று காசு என்பாள்.

குசத்தி நாக்கைக் குட்டம் போட்டு நறுக்கினாலும் குடம் தோண்டி இரண்டு காசு என்பாள் 8450

(கூழ் கூழாய் அறுத்தாலும் கூழையாய் அறுத்தாலும்.)

குசவனுக்கு ஆறு மாதம் வேலை; தடிகாரனுக்கு அரை நாழிகை.

(தடியனுக்கு ஆறு நாழிகை வேலை.)

குசவனுக்குப் பல நாள் வேலை; தடிகாரனுக்கு ஒரு நிமிஷ வேலை.

(ஒரு கடின வேலை, அரை நாழிகை வேலை.)

குசு கும்பிடப் போனால் தெய்வம் திருடுக்கென்றதாம்.

குசு கொண்டு வந்திருக்கிறேன், கதவைத் திற, கொட்டி வைக்க இடம் இல்லை.

குசு புடைக்க வெறும் முறம் ஆச்சு. 8455

குசும்புக்கும் கவுண்டிக்கும் மருந்து ஏது?

(பொறாமைக்கும். வழுக்கைக்கும். நாஞ்சில் நாட்டு வழக்கு.)

குசு விடாமல் இருந்தால் குங்கிலியம் மணக்கும்.

குசுவுக்குப் பயந்து குடி ஓடிப்போனாளாம்.

குஞ்சிரிப்புக்கு மருந்து சாப்பிட உள்ள சிரிப்பும் போனாற் போல.

குஞ்சு செத்த காக்கை சிறகு அடித்துக் கொள்வது போல. 8460

குஞ்சுடன் மேய்ந்த கோழியைப் போல.

குட்டக் குட்டக் குனிகிறவனும் முட்டாள்; குனியக் குனியக் குட்டுகிறவனும் முட்டாள்.

(மடையன்.)

குட்டங்கோனி தட்டான் குறைக்கும் வரி வைத்தான்.

குட்ட நாடு கெட்டால் எட்டு நாடும் கெட்டன. குட்டி ஆடு கொழுத்தாலும் வழுவழுப்புப் போகாது. 8465

(குறையாது.)

குட்டி ஆடு செத்ததென்று கோனாய் குந்தி அழுததாம்.

குட்டி ஆனைக்குக் கொம்பு முளைத்தது; பட்டணமெல்லாம் பறந்தோடிப் போச்சு.

குட்டி ஆனையும் குளத்தைக் கலக்கும்.

குட்டி இட்ட நாய்க்குக் குப்பை மேடு கோபுரம்.

குட்டிக் கரணம் போட்டாலும் கொடுப்பது அரிது. 8470

குட்டிக் கரணம் போட்டாலும் மட்டி புத்தி போகாது.

(மட்ட)

குட்டிக் கரணம் போட்டாலும் லோபி கொடான்.

(காசு கொடான்.)

குட்டிக் கரணம் போட்டாலும் வட்டில் சோற்றுக்கு வழி இல்லை.

குட்டிக் கலகம் பண்ணுகிறவன் குட்டுப்பட்டுச் சாவான்.

(செய்பவன்.)

குட்டிக் கிடையிலே ஓநாய் புகுந்தது போல. 8475

குட்டிக்கும் பட்டிக்கும் குடிபோகச் சந்தோஷம்.

(குட்டிக்கும் நாய்க்கும், பட்டி-நாய். குடிபோகக் கொண்டாட்டம்.)

குட்டிக் குரங்கானாலும் கெட்டிப் பிடி.

குட்டிக் கொழுந்தனும் கோள் சொல்லி நாத்தனாரும்.

குட்டிக் கொள்ளும் போதே கண்ணில் குட்டிக் கொண்டான்.

(கொண்டால்.)

குட்டிக் கொள்ளும் போதே முட்டிக் கொண்டானாம். 8480

குட்டி குரைத்து நாயின் தலையிலே வைத்தது போல.

குட்டி கொழுத்தாலும் வழுக்கை வழுக்கைதான்.

குட்டிச் சுவரில் முட்டிக் கொள்ள வெள்ளெழுத்தா?

குட்டிச் சுவரிலே தேள் கொட்டக் கட்டுத் தறியிலே நெறி ஏறுமா?

(இடுமா?)

குட்டிச் சுவரிலே தேள் கொட்டத் தண்ணீர் மிடாவிலே நெறி கட்டினது போல. 8485

குட்டிச் சுவரிலே தேள் கொட்ட நெடுஞ் சுவரிலே நெறி கட்டியதாம்.

குட்டிச் சுவரும் குரங்கு இருந்த மாளிகையும் பாழ்.

(மாளிகையும் போல.)

குட்டிச் சுவரே. கூறை இல்லா வீடே!

குட்டி செத்ததுமல்லாமல் குழி தோண்ட இரண்டு பணம்.

குட்டி செத்தாலும் குரங்கு விடாது. 8490

குட்டி நரை குடியைக் கெடுக்கும்.

குட்டி நாய்க்குப் பல் முளைத்தது போல.

குட்டி நாய்க்கும் குழந்தைப் பிள்ளைக்கும் இடம் கொடுக்கக் கூடாது.

குட்டி நாய் குரைக்கிறது போல.

குட்டி நாய் குரைத்துப் பட்டி நாய்க்குக் கேடு வந்தது. 8495

(உதை வந்தது.)

குட்டி நாய் கொண்டு வேட்டை ஆடினது போல.

(நாயை.)

குட்டி நாய் வேட்டை நாயை விரட்டினாற் போல.

குட்டி நாயும் குழந்தைப் பிள்ளையும் இட்ட கையைப் பார்க்கும்.

குட்டி நாயை விட்டு வேட்டை ஆடினாற்போல.

குட்டிப் பாம்பை அடித்தாலும் குற்றுயிராக விடக்கூடாது. 8500

(விடாதே.)

குட்டி பெருத்தாலும் வழுக்கை வழுக்கைதான்.

குட்டி போட்ட நாய் கூனி உட்கார்ந்தது போல.

குட்டி போட்ட நாய் போலக் குரைக்கிறது.

குட்டி போட்ட நாய் போல வள்ளென்று விழுகிறான்.

குட்டி போட்ட நாய் முடங்கினாற் போல. 8505

குட்டி போட்ட நாய் முணுமுணுத்தாற் போல.

குட்டி போட்டி நாயைப் போல் ஏன் உறுமுகிறாய்?

 குட்டி போட்ட பூனைபோல அலைகிறான்.

குட்டி மானம் விட்டுக் குசவனோடு பேசினால் சட்டையும் பண்ணான்; சட்டியும் கொடான்.

(சட்டியும் கொடான், சட்டையும் பண்ணான் மானம் தப்பி.)

குட்டியின் கையைப் பிடித்துக் குரங்கு கொள்ளிக் கட்டைச் சூடு பார்த்தாற் போல. 8510

குட்டி வேதாந்தம் குடியைக் கெடுக்கும்.

குட்டின குட்டும் குண்டிற் பாய்ந்த தண்ணீரும் வருமா?

(குழியிற் பாய்ந்த.)

குட்டுப்பட்டாலும் மோதிரக் கையால் குட்டுப்பட வேண்டும்.

குட்டை ஏறிக் குரைத்த நாயே, சதை வீங்கிச் செத்த நாயே!

குட்டை குழப்பினால் சேறுதான் மிஞ்சும். 8515

குட்டை குழப்புகிறான்.

குட்டைத் தாதன் குட்டையிலே விழுந்தான்.

குட்டைத் தாதன் மகன் மட்டைத்தாதன் குளத்திலே விழுந்து செத்தான்.

குட்டை மரம் குலை குலையாய்க் காய்த்திருக்கிறது.

குட்டையில் ஊறிய மட்டை. 8520

குட்டையைக் கலக்கிப் பருந்து இரை இட்டதுபோல.

(இரை தேடுவது.)

குட்டையைக் குழப்பி மீனைப் பிடிக்கிறது போல.

குட்டை வால் நாய்க்கு நெஞ்சில் அறிவு.

குடத்தில் பாக்குப் போடு; மிளகாய்ப் பொடிக்கு உப்புப் போடாதே.

குடத்தில் பொன் கூத்தாடுமா? 8525

குடத்தில் விளக்கை இட்டுக் கோபுரத்தின் மேல் வைத்தாற் போல.

குடத்து விளக்குக்கும் குன்றி மணிச் சாதத்துக்கும் இருக்கிறேன்.

குடத்துள் ஏற்றிய விளக்குப் போல.

(குடத்தில்.)

குடத்தைக் கவிழ்த்துப் பழத்தைச் சொரிந்த கதை.

குடப் பாம்பினிடைச் சிறு தேரை. 8530

குடப்பால் கறந்தாலும் குதிரையோட்டம் ஓட மாட்டாது.

குடப்பால் கறந்தாலும் கூரை பிடுங்குகிற மாடு ஆகாது.

(கூரைபிடுங்கித் தின்னுமாம் மாடு.)

குடப்பாலில் கையைவிட்டுச் சத்தியம் செய்.

குடம் தண்ணீரில் கொள்ளி வைத்தாற் போல.

குடல் அறுந்த கோழி எங்கே போகும்? 8535

குடல் அறுந்த நரி எவ்வளவு தூரம் ஒடும்?

(எந்த மட்டும்.)

குடல் ஏற்றத்துக்குக் கோடி வைத்தியம்.

குடல் காய்ந்தால் குதிரையும் வைக்கோல் தின்னும்.

குடல் காய்ந்தால் நாய்க்கு நாற்றம் நறுமணம்.

குடல் காய உண்டால் உடல் காயம் ஆகும். 8540

குடல் கூழுக்கு அழுகிறதாம்; கொண்டை பூவுக்கு அழுகிறதாம்.

குடலில் கண்ட தினவு போல்.

குடலும் கூந்தலும் கொண்டது மட்டும் கொள்க.

(கொள்கை.)

குடலைப் பிடுங்கிக் காட்டினாலும் அதுவும் கஜகர்ண வித்தை என்கிறான்.

குடலைப் பிடுங்கிக் காட்டினாலும் வாழைநார் என்பார். 8545

(உருவிக் காட்டினாலும்.)

குடலைப் பிடுங்கி மாலையாய்ப் போட்டுக் கொள்வேன்.

குடிலைப் பிடுங்குகிறது ஓக்காளம்.

குடி இருக்க வந்தாயோ? கொள்ளி வைக்க வந்தாயோ?

குடி இருந்த வீட்டிலே கொள்ளி வைக்கிறவன்.

(வீட்டுக்கே வைப்பதா?)

குடி இருந்து அறி; வழி நடந்து அறி. 8550

குடி இருந்து பார்; கூட்டுப் பயிர் இட்டுப் பார்.

குடி இருப்பது குச்சு வீடு; கனாக் காண்பது மச்சு மாளிகை.

(மச்சு வீடு.)

குடி இல்லா ஊரிலே அடியிடல் ஆகாது.

குடி இல்லா ஊரிலே ஒற்றைப் பணக்காரன்.

(ஒற்றை விர்த்தகன். )

குடி இல்லா ஊரிலே குருவியும் பறக்காது. 8555

குடி இல்லா ஊருக்குக்குள்ள நரியே அரசன்.

குடி இல்லா விட்டால் குண்டுப் பெருச்சாளி உலவும்.

(குடியில்லா வீட்டில்.)

குடி உடையானே முடி உடையான்.

குடி உயரக் கோல் உயரும். குடி உயர முடி உயரும். 8560

குடிக்கக் கஞ்சி இல்லை; கொப்புளிக்கப் பன்னீராம்.

குடிக்கச் செம்பும் எரிக்க விளக்கும் வேண்டாமா?

குடிக்கச்சே குமட்டினால் எடுக்கும்.

குடிக்கத் தண்ணீர் கேட்டால் குளிப்பாட்டக் கொண்டு வருவான்.

குடிக்கத் தெரியாதவன் கவிழ்த்துக் கொட்டினானாம். 8565

குடிக்கா விட்டால் கொட்டிக் கவிழ்,

(குடிக்கத் தெரியாவிட்டால்.)

குடிப்பது எருமை மூத்திரம்; கடித்துக் கொள்வது இஞ்சிப் பச்சடி.

குடிக்கிறது காடி நீர்; அதற்குத் தங்க வட்டிலா?

குடிக்கிறது கூழ்; இருக்கிறது சிங்காசனம்.

குடிக்கிறது கூழ், கொப்புளிக்கிறது பன்னீர். 8570

(குடிக்கிறது நீர் )

குடிக்கிறது பழங் கஞ்சி; கொப்புளிக்கிறது பன்னீர்.

குடிக்கிறது வெந்நீர்; கொப்புளிப்பது பன்னீர்.

குடிக்கிற பாலை வெடிப்பிலே வார்க்கிறதா?

குடிக்கிற முலையும் சரி, பிடிக்கிற முலையும் சரியா?

(ஒன்றுதானா?)

குடிக்கிறவன் கையைச் சுற்றிச் சூடு போட்டாலும் குடியை விடான். 8575

குடிக்கிற வீடு விடியுமா?

குடிக்குச் சகுனியும் கொல்லைக்குப் பல்லியும் கூடா.

குடிகாரன் புத்தி விடிந்தால் தெரியும்.

குடிகாரன் பேச்சு விடிந்தால் போச்சு.

(பொழுது விடிந்தால்.)

குடிகாரன் வீட்டில் விடிய விடியச் சண்டை. 8580

குடி கெடுத்த குஷியிலே குரங்கைக் கட்டிக்கொண்டு அழுதானாம்.

குடி, சூது, விபசாரம் குடியைக் கெடுக்கும்.

குடித்த மருந்து குடித்தாற் போல எடுத்தால் பரிகாரி வாயிலே மண்ணுதான்.

(பரிகாரி. வைத்தியன்.)

குடித்த மறி கூட்டில் கிடைக்காது.

குடித்தனம் என்று பண்ணினால் நன்மையும் வரும்; தீமையும் வரும். 8585

குடித்தனம் செழித்தால் துரைத்தனம் செழிக்கும்.

குடித்தனம் மேலிட வேண்டிப் பிடாரியைப் பெண்டு வைத்துக் கொண்டான்.

குடித்தனமே துரைத் தனம்.

(குடித்தனமோ, துரைத்தனமோ?)

குடிப்பது கூழ், ஏறுவது தந்தப் பல்லக்கு.

குடிப்பது கூழ், கொப்புளிப்பது பன்னீராம். 8590

குடிப்பது மல ஜலம்; கொப்புளிப்பது பன்னீர்.

குடிப் பெண் வயிறு எரிய, கொடிச் சீலை நின்றெரிய.

குடி போகிற வீட்டுக்கு வரச் சொன்ன கதை.

குடி போன வீட்டிலே வறட்டு நாய் காத்தது போல.

குடி மக்கள் துரைத்தனம் செய்கிறது போல். 8595

குடி மதம் அடிபடத் தீரும்.

(அடிபட்டால்.)

குடியனும் வெறியனும் அடிபடாமல் குணப்பட மாட்டார்கள்.

குடியனும் வெறியனும் சரி.

குடியாத வீடு விடியாது.

குடியில் பிறந்து குரங்காட்டம் ஆடுகிறான். 8600

குடியில் பிறந்து செடியில் விழுந்தான்.

குடியில் பெண் வயிறு எரிந்தால் கொடியிற் சேலை நின்று எரியும்.

குடியில்லா ஊரில் ஒற்றைப் பணக்காரன் வர்த்தகன்.

குடியிலே குரங்கானாலும் கொள்.

குடியும் கெட்டுக் குடிக்கிற ஓடும் கெட்டது. 8605

குடியும் சூதும் குடியைக் கெடுக்கும்.

குடியே குடியைக் கெடுக்கும்.

குடி வரி உயர்த்திக் கொள்ளை அடிக்காதே.

குடி வைத்த வீட்டில் கொள்ளி வைக்கலாமா?

குடி வைத்துக் கொண்டாயோ? கொள்ளி வைத்துக் கொண்டாயோ? 8610

குடு குடு என்று ஓடிக் குடுமியைச் சிரைத்தானாம்.

(ஓடி வந்தானாம்.)

குடும்பத்தில் இளையவனும், கூத்தாடியில் மூத்தவனும் உதவார்.

(கூத்தாடியில் சோம்பேறியும்.)

குடும்பா என்றால் கொத்து வேண்டாம்.

குடுமிக்கு ஏற்ற கொண்டை.

(தக்க.)

குடுமித் தலையின் வீறாப்பைக் கொண்டைத் தலையா பாரடா. 8615

(பார்த்தாயா?)

குடுமித் தலையும் மொட்டைத் தலையும் கூடுமா?

குடுமித் தலையும் மொட்டைத் தலையுமாய்க் கட்டுகிறது.

குடுமியானுக்குக் குறுணி கொடுக்கிறதா என்று புற்றின்மேல் படுத்த கதை.

குண்டன் கூடினால் சண்டை வரும்; குமரி கூடினால் நகர் பாழாகும்.

குண்டா கரணம் போட்டாலும் பிண்டச் சோற்றுக்கு வழி இல்லை. 8620

குண்டி அறுந்த பருந்து போல.

குண்டி எத்தனை கோணல் கோணினாலும் சுமை வீட்டில் போய்ச் சேர்ந்தால் சரி.

குண்டி எத்தனையோ குளம்; குளம் எத்தனையோ குண்டி.

குண்டி எத்தனையோ துணிகளைக் கண்டது; குந்தாணி எத்தனையோ உரலைக் கண்டது.

குண்டி காய்ந்தால் குதிரையும் வைக்கோல் தின்னும். 8625

குண்டித் துணியும் குடிக்கக் கூழும் இன்றிக் கண்டிக்குச் சென்றும் கவலையே கொண்டாற் போல்.

குண்டி மறைக்கத் துணி இல்லை; கொண்டை பூவுக்கு அழுகிறதாம்.

குண்டி மினுக்கி அரிவாள் தீட்டுமுன் உள்ள பதநீர்கள் ஆகிவிடும்.

குண்டி வற்றினால் குதிரையும் வைக்கோல் தின்னும்.

குண்டு குண்டு என்று ஓடினாலும் குட்டி ஆனை குதிரை ஆகுமா? 8630

குண்டு சட்டிக்குள்ளே குட்டி யானை நுழைந்தாற் போல்.

குண்டு சட்டியிலே குதிரை ஓட்டுகிறான்.

(ஓட்டுகிறது.)

 குண்டுணிக் குப்பன்.

குண்டுணி சொல்கிறவர்களுக்கு இரு நாக்கு; கட்டு விரியனுக்கும் இரு நாக்கு.

(கடு நாக்கு.)

குண்டுப் பெருச்சாளியும் வண்டும் போல. 8685

குண்டு பட்டுச் சாகாதவன் வண்டு கடித்துச் செத்தானாம்.

குண்டு போன இடத்தில் குருவி நேர்ந்தது.

குண்டும் இல்லாமல் மருந்தும் இல்லாமல் குருவி சுடலாமா?

குண்டு மாற்று. குழி மாற்று.

(கச்சிதமான அளவு.)

குண்டை இணைத்தால் குடி இளைக்கும். 8640

குண்டை சாவு கொடுத்தவனும் பெண்டைச் சாவு கொடுத்தவனும் ஒன்று.

குண்டை பலத்தால் குடி பலக்கும்.

குண்டை பலமோ, குடி பலமோ?

குண்டை பெருத்தால் குடி பெருக்கும்.

(விளங்கினால் விளங்கும்.) .

குண்டோட்டம் குதிரை ஓட்டம். 8345

குணக்கு எடுக்க நாய் வால் நிமிருமா?

(குணக்கெடுக்க நாய் வாலைக் கூடுமா?)

குணச்சிறப்பைக் குலத்தில் பார்.

குணத்திற்கு அழுகிறதா? பிணத்திற்கு அழுகிறதா?

குணத்தைச் சொல்; குலத்தைச் சொல்லாதே.

குணத்தை மாற்றக் குரு இல்லை. 8650

குணம் இல்லாக் கல்வி பாழ்.

குணம் இல்லா வித்தை எல்லாம் அவித்தை.

குணம் உள்ள இடத்திலே மணம் உண்டு.

(நிறைவு உண்டு.)

குணம் உற்றவன் மணம் உற்றவன்; குணம் அற்றவன் மணம் அற்றவன்.

குணம் கெட்ட இடத்திலே குன்றியும் இராது. 8655

குணம் கெட்ட மாப்பிள்ளைக்கு மணம் கெட்ட பணியாரம்.

குணம் கெட்டால் குரங்கு.

குணம் பாதி; கொண்ட நோவு பாதி.

குணம் பெரிதே அன்றிக் குலம் பெரிதல்ல.

குணம் போல வாழ்வு. 8660

குத்தக் கூலியும் கொடுத்து எதிர் மூச்சும் போட்டானாம்.

(போடுகிறது.)

குத்தாக் குறும்பி, குடுமி இல்லாப் பத்தங்கி.

(குறும்பி, பத்தங்கி என வைணவர்களில் இரு வம்சம். குறும்பியர் உபநயனத்தில் காது குத்துவர்; பத்தங்கி சாமகர் மொட்டையடிப்பர்.)

குத்தாத காதுக்கு ஊனம் இல்லை; குரைக்காத நாய்க்கு உதையும் இல்லை.

குத்திக் கெட்டது பல்; குடைந்து கெட்டது காது.

குத்திக் கொண்டு வா என்றால் வெட்டிக் கொண்டு வருகிறான். 8665

குத்திரம் குடியைக் கெடுக்கும்.

குத்தி வடித்தாலும் சம்பா, குப்பையிலே போட்டாலும் தங்கம்.

(மாணிக்கம்.)

குத்தி விட்டு வேடிக்கை பார்க்கிறது.

குத்தின அரிசி கொழியலோடு இருக்க, இந்தாடா மாமா என் தாலி என்றாளாம்.

குத்துக்கு முன்னே குடுமியைப் பிடி. 8670

குத்துகிற உரல் பஞ்சம் அறியுமா?

குத்துப் பட்டவனும் துாங்க மாட்டான். குறை வயிற்றுக்காரனும் தூங்க மாட்டான்.

குத்துப்பட்டுப் பொறுத்தாலும் குறை வயிறு பொறுக்காது.

(பொறுக்குமா?)

குதிக்கும் முன் பார்த்துக் குதி.

குதி குதி என்பார்கள் எல்லாரும் கூடக் குதிப்பார்களா? 8675

குதித்துக் குதித்து மா இடித்தாலும் குண்டனுக்கு ஒரு கொழுக்கட்டை.

குதித்துக் குதித்து மா இடித்தாலும் குந்தாணிக்கு ஒரு கொழுக்கட்டையும் கிடையாது.

குதித்துக் குதித்து மா இடித்தாலும் புழுக்கைக்கு ஒரு கொழுக்கட்டையே.



(கூழைச்சிக்கு இரண்டு கொழுக்கட்டையே.)

குதிரை இருப்பு அறியும்; கொண்ட பெண்டாட்டி குணம் அறிவாள்.

(கொண்டவன் குணம் அறிவாள் பெண்டாட்டி.)

குதிரை இல்லாத ஊருக்குக் கழுதை தம்பிரான். 8680

குதிரை உதைத்தாலும் உதைக்கலாம்; கழுதையா உதைக்கிறது?

(கழுதை உதைக்கலாமா?)

குதிரை எட்டடி பாய்ந்தால் குட்டி பதினாறடி பாயும்.

குதிரை ஏற அதிருஷ்டம் இருந்தால் கொண்டு ஏற வேண்டுமா?

(குண்டை ஏறவேண்டுமா?)

குதிரை ஏறாமல் கெட்டது; கடன் கேளாமல் கெட்டது.

குதிரை ஏறி என்ன? கோணல் கொம்பு ஊதி என்ன?

வீணர்க்கும் கீர்த்திக்கும் வெகு தூரம். 8685

குதிரைக்குக் குர்ரம் என்றால் ஆனைக்கு அர்ரம் என்கிறான்.

(குர்ரம்- குதிரை: தெலுங்கு.)

குதிரைக்குக் குளம்பு கொடுத்தவன் கொம்பு கொடுக்கவில்லை.

குதிரைக்குக் கொம்பு முளைத்தாலும் நாய்க்கு வால் நிமிராது.

குதிரைக் குணம் அறிந்தல்லவோ தம்பிரான் கொம்பு கொடுக்கவில்லை.

குதிரைக்குப் படை கட்டினாற் போல. 8690

(பட்டை.)

குதிரைக்கும் நாய்க்கும் குடி போகச் சந்தோஷம்.

குதிரைக்கு வால் இருந்தால் குண்டி மட்டும்.

குதிரைக் கொம்பு

(+ ஆகிவிட்டது.)

குதிரை கீழே தள்ளியதோடு குழியையும் பறித்ததாம்.

குதிரை குட்டி போடுகிறது, குட்டி போடுகிறது என்று லத்தி போட்டதாம். 8695

(ஆனை குட்டி போடுகிறது.)

குதிரை குருடாக இருந்தாலும் கொள்ளுத் தின்கிறதில் குறைச்சல் இல்லை.

(தின்னும் கொள் முக்குறுணி.)

குதிரை குருடாக இருந்தாலும் நித்திரையிலே குறை இல்லை.

குதிரை செத்ததும் அல்லாமல் குழி தோண்ட மூன்று பணம்.

(பத்துப் பணம்.)



குதிரை செத்ததும் அல்லாமல் சேணம் சுமக்க வேலை ஆயிற்று.

குதிரை தூக்கிப் போட்டதன்றியும் குழியும் பறித்ததாம். 8700

(தோண்டுகிறதாம்.)

குதிரை நடக்காவிட்டால் ராவுத்தர் கொக்காய்ப் பறப்பாரோ?

குதிரை நடந்தால் அல்லவா ராவுத்தன் கொக்காய்ப் பறக்கலாம்?

குதிரை நடைவராமல் கொக்காய்ப் பறப்பானாம் ராவுத்தன்.

குதிரை நல்லது தான்; சுழி கெட்டது.

குதிரை நொண்டி ஆனாலும் கொள்ளுத் தின்ன ராஜா. 8705

குதிரை பிடிக்கச் சம்மட்டி அடிக்கக் கூப்பிட்டுக் குரலுக்கு ஏனென்று கேட்க குதிரை முட்டை.

(அவிவேக பூரண கதை.)

குதிரையான குதிரையெல்லாம் கூரையைப் பறித்துத் தின்கிற போது, குருட்டுக் குதிரை கோதுமை மாவுக்கு அழுததாம்.

குதிரையின் குணம் அறிந்தல்லவோ தம்பிரான் கொம்பு கொடுக்கவில்லை?

குதிரையின் கொழுப்பு அறிந்து சுவாமி கொம்பு கொடாமற் போனார். 8710

குதிரையும் ஏறிக் குதிரைக் குட்டியும் ஏறுவதா?

குதிரையும் கழுதையும் ஒன்றாகுமா?

குதிரையும் காதம், கிழவியும் காதம்.

(ஒளவையார் பாடல்.)

குதிரையைத் தண்ணீரண்டை இழுத்துச் செல்லலாமே தவிரக் குடிக்கச் செய்ய முடியாது.

குதிரையைப் போல நாயை வளர்த்து ரெட்டிச்சி, நீ குரை. 8715

குதிரை ராவுத்தனைத் தள்ளினதும் அல்லாமல் குழியும் தோண்டுகிறதாம்.

(பாகனை, பறிக்கிறதாம்.)

குதிரை வாங்கியபின் லகானுக்கு வழக்கா?

(வழக்கு.)

குதிரை வால் இருந்தால் எட்டின மட்டுந்தானே வீசும்?

குதிரை வால் படைத்தால் தன் மட்டும் வீசுகிறது.

குதிரை வால் வீச்சுக் குதிரை மட்டும். 8720

குதிரை விற்ற குச்சிலியன் போல.

குந்திக் கொண்டு தின்றால் குன்றும் கரையும்.

(குந்தியிருத்து.)

குந்தினால் எழுந்திருக்க மாட்டேன்; குஞ்சு பொரித்தால் பேர் பாதி.

குந்தினாயே குரங்கே, உன் சந்தடி அடங்கே.

குப்புற விழுந்தாலும் மீசையில் மண் ஒட்டவில்லை என்றானாம். 8725

குப்புற விழுந்து தவம் செய்தாலும் குருக்களுக்கு மோட்சம் இல்லை.

குப்புற விழுந்தும் முதுகில் மண் படவில்லை என்றானாம்.

குப்பையில்லா வேளாண்மை சப்பை.

(இல்லாப் பயிர்.)

குப்பையின்றிப் பயிர் விளையாது.

குப்பை உயர்ந்தது; கோபுரம் தாழ்ந்தது. 8730

குப்பை உயர்ந்தால் குடி உயரும்.

(குப்பை உயர.)

குப்பை உயர்ந்தால் கோபுரம் ஆகுமா?

குப்பை உயர்ந்து என்ன? கோபுரம் தாழ்ந்து என்ன?

குப்பை ஏறிக் குடை பிடிக்க மாட்டாதவன் வானம் ஏறி வைகுந்தம் பார்த்தானாம்.

குப்பை ஏறிக் கூவாத கோழி, கோபுரம் ஏறி வைகுண்டம் காட்டுமா? 8735

குப்பை ஏறிக் கோணற் சுரைக்காய் அறுக்காதவன் வானில் ஏறி வைகுண்டம் பார்த்தானாம்.

குப்பைக் கீரை.

குப்பைக் கீரைத் தண்டு கப்பலுக்குப் பாய்மரம் ஆகுமா?

(காலாகுமா?)

குப்பைக்குள் இருந்தாலும் குன்றிமணி குன்றாது. குப்பை கொட்ட முடியாது. 8740

குப்பை சீக்கும் நாயே, உனக்குக் கொற்றத் தவிசும் உண்டோ?

குப்பைத் தொட்டி நாய் எருக்கிடங்கு நாயை ஏளனம் செய்ததாம்.



குப்பைத் தொட்டியாய் இருந்தாலும் நாய்க்குத் தன் தொட்டி பொன் தொட்டியே.

குப்பை நாய்க்குச் சுவர்க்க ஞாபகம்.

குப்பை மேட்டில் இருக்கும் நாய் பூர்வோத்தரங்களை எண்ணியது போல. 8745

குப்பை மேடு உயர்ந்தது: கோபுரம் தாழ்ந்தது.

குப்பையில் இருந்தாலும் குன்றிமணி; செப்பிலே இருந்தாலும் மாணிக்கம்.

குப்பையில் கிடந்தாலும் குன்றிமணி நிறம் மாறாது.

(கிடந்த குன்றிமணி போல, நிறம் குன்றாது, மாறாது.)

குப்பையில் கிடந்தாலும் மாணிக்கம் மாணிக்கந்தான்.

(இருந்தாலும்.)

குப்பையில் கீரை முளைத்தால் கப்பலுக்குக் கால் ஆகுமா? 8750

குப்பையில் கோடி தனம்.

குப்பையில் புதைத்தாலும் குன்றிமணியின் நிறம் மாறாது.

குப்பையில் போட்டாலும் குன்றிமணி குண்றிமணிதான்.

குப்பையில் போட்டாலும் குறிப்பேட்டில் பதிந்து விட்டுப் போடு.

(செட்டி நாட்டு வழக்கு.)

குப்பையில் முளைத்த கீரை கப்பலுக்குக் கால் ஆகுமா? 8755

குப்பையில் முளைத்த கொடி கூரையில் ஏறினது போல.

(ஏதும்.)

குப்பையும் கோழியும் போலக் குருவும் சீடனும்.

குபேரப் பட்டணம் கொள்ளை போகிறதா?

குபேரன் பட்டணத்தில் கொள்ளை போயிற்றாம்; ஒருவனுக்கு ஊசி கிடைத்ததாம்.

குபேரன் பட்டணத்திலும் கோவணாண்டி உண்டு, 8760

குபேரன் பட்டணத்திலும் விறகு சுமக்கிறவன் உண்டு.

(பதியிலும் விறகு தலையன்.)

குபேரன் பட்டணம் கொள்ளை போனாலும் கொடுத்து வையாத பாவிக்கு ஒன்றும் இல்லை.

கும்பகோணத்தில் காவேரி தாண்டக் கொட்டையூரில் கச்சம் கட்டினானாம்.

கும்பகோணத்தில் மூட்டையைத் தூக்கக் குத்தாலத்தில் முண்டாசு கட்டினானாம்.



கும்பகோணத்துக்கு வழி என்ன என்றால் கொட்டைப் பாக்குக்கு விலை சொன்னானாம். 8765

கும்பகோணத்துப் பள்ளன் கொள்ளை கொண்டு போகத் தஞ்சாவூர்ப் பார்ப்பான் தண்டம் கொடுத்தான்,

கும்பகோணம் கோபுரத் தழகு, தஞ்சாவூர் தடி அழகு.

கும்பகோணம் கோயில் அழகு.

கும்பகோணே க்ரதம்பாபம் கும்பகோணே விநக்யதி.

கும்பகோனே க்ரதம்பாபம், கொட்டையூரே விநக்யதி: கொட்டையூரே க்ரதம்பாபம் கும்பகோணே விநக்யதி. 8770

கும்பத்தில் மழை பெய்தால் குப்பை மேடு எல்லாம் நெல்.

கும்பத்து வெள்ளி குடம் கொண்டு சாய்க்கும்.

கும்பலிலே கோவிந்தா போடுகிறான்.

கும்பி கூழுக்கு அழுகிறது; கொண்டை பூவுக்கு அழுகிறது.

(எண்ணெய்க்கு.)

கும்பிட்ட கையை வெட்டியது போல. 8775

கும்பிட்ட கோயில் தலை மேல் இடிந்து விழுந்தது போல.

கும்பிட்ட தெய்வம் குல தெய்வம்.

கும்பிட்டுக் கடன் கொடாதே; கும்பிட்டுக் கடன் வாங்காதே.

(கும்பிட்டு.)

கும்பிட்டுக் கடன் வாங்குகிறதா?

கும்பிடப் போன தெய்வம் குறுக்கே வந்தது போல. 8780

கும்பிடுகிறவனைத் தான் கேட்குமாம் கோழிக் குஞ்சுக் காவு.

கும்பிடு கொடுத்துக் கும்பிடு வாங்கு.

(வாங்க வேண்டும்.)

கும்பிடு போட்டுக் குடியைக் கெடுக்காதே.

கும்பிடும் கள்ளர், குழைந்திடும் கள்ளர்.

கும்பியிலே கல்லை விட்டு எறிந்தால் கூடத் தெறிக்கும். 8785

(மேலே தெறிக்கும்.)

கும்பினிக் கோழி முட்டை அம்மிக் கல்லையும் உடைக்கும்.

(கும்பினி- ஈஸ்ட் இந்தியா கம்பெனி.)

குமர் முற்றிக் குரங்காகிறது.

(யாழ்ப்பாண வழக்கு.)

குமரிக்கு ஒரு பிள்ளை; கோடிக்கு ஒரு வெள்ளை.



குமரிக்குக் கொண்டாட்டம்; கிழவனுக்குத் திண்டாட்டம்.

குமரிக்கும் நாய்க்கும் குடிபோகக் கொண்டாட்டம். 8790

குமரிக்கு முதுகில் பிள்ளை.

குமரிக்குள்ள தளுக்கு, குட்டி போட்டால் லொடக்கு.

குமரி தனியாகப் போனாலும் கொட்டாவி தனியாகப் போகாது.

(தனி வழி.)

குமரிப் பால் குமட்டுமா?

குமரிப் பெண்ணைத் தாசி வீட்டில் அடகு வைத்தது போல. 8795

குமரியாக இருக்கையில் கொண்டாட்டம்; கிழவியாக இருக்கையில் திண்டாட்டம்.

குமரியைக் கொண்டவனை விட்டுக் கூட வந்தவனோடு கூட்டி அனுப்புவது போல.

குமரீசுவரே, குமரீசுவரரே, கொட்டு மேளம் முழங்குவதேன்? அக்கினீசுவரரே, அக்கினீசுவரரே அவரவர் தலைவிதி.

(குமரீசுவரர்-மோகனூர்ச் சிவபெருமான் - அக்கினீசுவரர் நெரூர்ச் சிவபெருமான்,)

குயத்தி நாக்கை அறுத்தாலும் குண்டு சட்டி இரண்டு காசுதான் என்பாள்.

குயத்தி நாக்கைக் குட்டம் போட்டாலும் குடம் மூன்று காசுதான் என்பாள். 8800

குயவன் வீட்டில் பானை இருந்தால் வர மாட்டார்களா? பெண் இருந்தால் கேட்க மாட்டார்களா?

குயவனில் தாதன் இல்லை; ஆயரில் ஆண்டி இல்லை.

குயவனுக்கு ஆறு மாதம்; தடிகாரனுக்கு அரை நாழிகை.

(குயவனுக்கு ஒரு நாள்.)

குயவனுக்கு ஒரு மாச வேலை; தடியனுக்கு ஒரு நாழிகை வேலை.

குயவனுக்குப் பல நாள் வேலை; தடியடிக்காரனுக்கு ஒரு நாள் வேலை. 8805

(அரை நாழிகை வேலை.)

குயவன் கலசம் கொண்டு வா, இடையா பால் கொடு என்றாற் போல.

குயில் குரலும் மயில் அழகும் போல.

குயில் கூவிக் கெடுகிறதாம்; மயில் ஆடிக் கெடுகிறதாம்.

குயில் கூவினாற் போல.

குயில் போலப் பெண்டாட்டி இருந்தாலும் குரங்கு போல் ஒரு வைப்பாட்டி வேணும். 8810

குயில் முட்டை இடக் காகம் கண்டு களிக்க.

குயிலைப் போலக் கூவுகிறான்.

குரங்காட்டிக்கு அவன் குரங்குதான் பெரிது.

குரங்கின் கைக் கொள்ளி கொடுத்து விடல்.

(பழமொழி நானுாறு.)

குரங்கின் கைப் பூமாலை. 8815

குரங்கின் கையில் கொள்ளி அகப்பட்டது.

(கோடுக்கலாமா?)

குரங்கின் கையில் சிக்கிய பாம்பு போல.

குரங்கின் தலையில் கரகம் வைத்துக் காளி கும்பிட்டது போல

குரங்கின் மலத்தை மருந்துக்குக் கேட்டால் சொப்புக்களையெல்லாம் தத்திப் பாயும்.

குரங்கின் மூத்திரம் துளி ஆயிரம் பொன். 8820

குரங்கின் வயிற்றில் குஞ்சரம் பிறக்குமா?

குரங்கின் வாயில் அடக்கம் போட்டாற் போல.

குரங்கினிடம் பேன் அகப்பட்டாற் போல.

குரங்கினுள் நன் முகத்த இல்.

(பழமொழி நானூறு.)

குரங்கு ஆடினாலும் ஆடாவிட்டாலும் குரங்காட்டி ஆடுவான். 8825

குரங்கு ஆனாலும் குலத்திலே கொள்ள வேண்டும்.

குரங்கு உடம்பில் புண் வந்தால் கோவிந்தாதான்.

குரங்கு எல்லாம் கூட்டம் கூட்டமாக இருக்கும்.

குரங்கு எறி விளங்காய்.

குரங்கு என்றாலும் குலத்திலே கொள். 8830

குரங்கு ஏறாத கொம்பு உண்டோ?

குரங்கு ஓடம் கவிழ்த்த கதை ஆகி விட்டது.

குரங்குக்கு ஏணி வைத்துக் கொடுத்தது போல.

குரங்குக்குக் கள் வார்த்தாற் போல.

குரங்குக்குக் குல்லாய் போட்டு அழகு பார்த்ததுபோல. 8835

குரங்குக்குச் சாவு சிரங்கிலே,

குரங்குக் குட்டிக்குத் தாவக் கற்றுக் கொடுக்க வேண்டுமா?

குரங்குக் குட்டிக்கு மரம் ஏறக் கற்றுக் கொடுத்தானாம்.

குரங்குக் குட்டி கையைத் தேய்க்கிறது போல.

குரங்குக்குத் தன் மனம் நறுமணமாம். 8840

குரங்குக்குத் தேள் கொட்டினாற் போல.

குரங்குக்குத் தேள் கொட்டினால் மரத்துக்கு மரம் தாவுமாம்.

குரங்குக்குப் பிய்க்கத் தெரியும்; கட்டத் தெரியாது.

குரங்குக்குப் புண் வந்த கதை.

குரங்குக்குப் புண் வந்தால் தொட்டுத் தொட்டுப் பார்த்துக் கொண்டே இருக்குமாம். 8845

குரங்குக்குப் புத்தி சொல்லித் தூக்கணாங்குருவி கூண்டு அறுந்தது.

(தன் கூண்டை இழந்தது.)

குரங்குக்குப் புத்தி சொன்னால் குடியிருப்புப் பாழ்தான்.

குரங்குக்குப் பொரி போட்டுத் தடி வெட்டிக் கொடுத்தது போல.

குரங்குக்கும் தன் குட்டி பொன் குட்டி.

குரங்குக்கு வால் வைப்பதற்குள் விடிந்து விட்டது. 8850

குரங்கு கள்ளும் குடித்துப் பேயும் பிடித்துத் தேளும் கொட்டினால் என்ன கதி ஆகும்?

குரங்கு காது அறுத்தாலும் அறுக்கும்; பேன் எடுத்தாலும் எடுக்கும்.

குரங்கு கால் பணம்; விலங்கு முக்காற் பணம்.

குரங்கு குட்டி கையை நெருப்பில் தோய்க்கிறது போல,

குரங்கு கைப் பூனை போல. 8855

குரங்கு கையில் குட்டிக்குக் கள் வார்த்தாற் போல.

குரங்கு கையில் கொடுத்த கொள்ளி போல,

(கொள்ளி அகப்பட்ட கதை.)

குரங்கு கையில் பூமாலை அகப்பட்டது போல.

குரங்குச் சேஷ்டை.

குரங்கு சாகக் கொடுத்த ஆண்டி போல. 8860

குரங்கு செத்த குறவன்.

(மலையாள வழக்கு.)

குரங்கு செய்கிற தொல்லை அப்பப்பா, அது செத்தால் சமாதி கட்ட வேணும்.

குரங்கு சொறிந்தால் புண் ஆகும்.

குரங்கு தன் அழகைப் பார்க்கக் கண்ணாடி தேடியதாம்.

குரங்கு தன் குட்டியின் கையைக் கொண்டு பதம் பார்க்கிறது போல. 8865

(அடுப்பின் தீயைச் சோதித்தது போல.)

குரங்கு தாவுகிற தாவிலே குட்டியை மறக்குமா?

குரங்கு தீவட்டி பிடித்தாற் போல.

குரங்கு நியாயம்.

குரங்குப் பிடி, கரும்புப் பிடி.

குரங்குப் பிடிபோல் பிடிக்க வேண்டும். 8870

(குரங்குப் பிடியாய்ப் பிடிக்கிறது.)

குரங்குப் பிடி போன்ற பிடிவாதம் பிடிக்காதே.

குரங்குப் பிடியும் குழந்தைப் பிடியும்.

குரங்குப் பிணமும் குறப்பிணமும் கண்டவர் இல்லை.

(குறவன் சுடுகாடும்.)

குரங்குப் பீயை மருந்துக்குக் கேட்டால் கொம்புக்குக் கொம்பு தாவுமாம்.

குரங்குப் புண் ஆறாது. 8875

(பிரம்மாண்டம்.)

குரங்குப் புத்தி.

குரங்கு பிடித்த பிடியை விடாது; நாய் கடித்த கடியை விடாது.

குரங்கு பேன் பார்த்தாலும் பார்க்கும்; காதைப் பிய்த்தாலும் பிய்க்கும்.

குரங்கும் உடும்பும் பிடித்தது விடா.

குரங்கு மரத்தில் ஏறும்; குழந்தை இடுப்பில் ஏறும். 8880

குரங்கு மழையில் நனைந்தாலும் நனையும்; குடிசையில் போய் ஒண்டாது.

குரங்கு முகத்துக்குப் பொட்டு எதற்கு?

குரங்கு முகம் எல்லாம் ஒரு முகம்; கூத்தாடி பேச்செல்லாம் ஒரு பேச்சு.

குரங்கு வாழைப்பழத்தை கண்டால் சும்மா விடுமா?

குரங்கு விழுந்தால் கூட்டத்துடன் சேராது. 8885

குரங்கை அழைத்துக் கொண்டு கூத்துப் பார்க்கப் போனானாம்!

குரங்கைக் கண்ட நாயைப் போல.

குரங்கைத் தாங்காத கொம்பு உண்டா?

குரங்கைப் பறிகொடுத்த ஆண்டி போல.

குரங்கைப் பிடித்தாலும் பிடித்து விடலாம்; காக்கையைப் பிடிக்க முடியாது. 8890

குரப்பம் இட்டுத் தேய்த்தாலும் கழுதை குதிரை ஆகுமா?

குரல் இல்லாதவனுக்கு விரல்.

குரு இல்லாச் சிகூைடியும், கரு இல்லா வித்தும் பாழ்.

குரு இல்லாச் சீடன் உண்டா?

குரு இல்லார்க்கு வித்தையும் இல்லை; முதல் இல்லார்க்கு லாபமும் இல்லை. 8895

(ஊதியமும்.)

குரு இல்லா வித்தை பயன் இல்லை.

குரு இல்லா வித்தையும் முதல் இல்லா வாணிகமும்,

குரு என வந்தான்; திருஉரை தந்தான்.

(சிறு உரை.)

குருக்கள் குசு விட்டால் குற்றம் இல்லை.

(யாழ்ப்பாண வழக்கு.)

குருக்கள் நின்று பெய்தால் சிஷ்யன் ஓடிப் பெய்வான். 8900

குருக்கள் பிழைத்தது மறு பிறப்பு.

குருக்கள் பீயை அரைப்பென்று தேய்த்துக் கொள்கிறதா?

குருக்கள்மேல் ஆணை; இந்தக் கழியை விழுங்கு.

குருக்கள் வீட்டுச் சோமன் கொடி கண்டதே ஒழிய அரை கண்டதில்லை.

குருக்களைக் கடித்த நாய் சொர்க்கத்துக்குப் போகுமா, நரகத்துக்குப் போகுமா என்றது போல. 8905

குருக்களைக் கடித்த நாய் புழுத்துச் சாகும்.

குருக்களைக் கடித்த நாய் புழுத்துச் செத்தாலும் குருக்கள் வலிக்கு என்ன செய்வது?

குரு கடாட்சம் கூட்டுவிக்கும்.

குருட்டுக் கண்ணுக்குக் குறுணி மை எதற்கு?

(மை இட்டு ஆவதென்ன?)

குருட்டுக் கண் தூங்கி என்ன? விழித்து என்ன? 8910

குருட்டுக் குதிரைக்குச் சறுக்கினது சாக்கு.

குருட்டுக் கொக்குக்கு ஊர்க்குளமே சாட்சி.

குருட்டுக் கோழி தவிட்டுக்கு வீங்கினது போல்.

குருட்டு நாய்க்கு அதிருஷ்டம் வந்த மாதிரி.

குருட்டு நாய்க்கு இருட்டுள் வறட்டுப் பீ அகப்பட்டாற் போல. 8915

குருட்டு நாய்க்குத் திருட்டுப் புத்தி எதற்கு?

குருட்டு நாய்க்கு வறட்டு மலம் கிடைத்தது போல.

குருட்டுப் பூனை விட்டத்தில் தாவினாற் போல,

குருட்டுப் பெண்ணுக்கு வறட்டு ஜம்பம், குருட்டு மாட்டைத் தெய்வம் காக்கும். 8920

குருடர்கள் ஊரிலே ஒற்றைக் கண்ணன் ராஜா.

குருடன் கூடி ஆனையைக் கண்ட கதை.

குருடன் அளந்ததும் கோணியில் கொண்டதும் போல.

குருடன் ஆடு மேய்க்க எட்டு ஆளுக்கு வேலையா?

குருடன் ஆனையைப் பார்த்தாற் போல. 8925

குருடன் கூட வழி போனாலும் செவிடன் கூடப் போகக் கூடாது.

குருடன் கூத்துப் பார்க்கப் போனால் பயன் என்ன?

(பார்த்தது போல.)

குருடன் கைக் கோலைப் பிடுங்கினாற் போல.

குருடன் கையில் விலாங்கு அகப்பட்டது போல.

(விலாங்கு-ஒருவகை மீன்.)

குருடன் சந்தைக்குப் போக எட்டாள் மெனக்கிடு. 8930

(வினைக் கேடு.)

குருடன் தண்ணீருக்குப் போனால் பின்னோடு எட்டாள் மெனக்கீடு.

குருடன் தூங்குவதும் ஒன்றுதான்; விழித்திருப்பது ஒன்றுதான்.

குருடன் பரத நாட்டியம் ஆடினது போல.

குருடன் பழுதை திரித்தது போல.

குருடன் பெண்டாட்டி கூனனோடு உறவாடினாள். 8935

குருடன் பெண்டிரை அடித்தாற் போல.

குருடன் மாங்காய் எறிந்தாற் போல.

குருடன் ராஜ விழி விழித்தாற் போல,

(விழித்த கதை.)

குருடன் வேண்டுவது கண் பெறத்தானே?

(வேண்டுவதெல்லாம் கண்தான்.)

குருடனுக்கு என்ன, கோல்தான் வேண்டும். 8940

குருடனுக்குக் கண்ணாடி காட்டின கதை.

குருடனுக்குக் கண் வேண்டுமென்றுதான் சொல்லுவான்; வேண்டாமென்று சொல்லுவானா?

குருடனுக்குக் குருடன் கோல் பிடிக்க முடியுமா?

குருடனுக்குக் குருடன் வழி காட்டினால் இருவரும் குழியில் விழுவார்கள்.

குருடனுக்குக் கோல் கொடுத்தாற் போல. 8945

குருடனுக்குக் கோல் பிடிக்க முடியுமா?

குருடனுக்குத் தெய்வம் கண் கொடுத்தாற் போல.

குருடனுக்குத் தொட்டால் கோபம்; முடவனுக்கு விட்டால் கோபம்.

குருடனுக்குப் பால் கொக்குப் போன்றது.

குருடனுக்குப் பால் சோறு இட்டது போல? 8950

குருடனுக்கு விட்ட இடத்தில் கோபம்.

(பகை.)

குருடனுக்கு வேண்டியது கண்.

குருடனும் செவிடனும் கூத்துப் பார்க்கப் போய்க் குருடன் கூத்தைப் பழித்தான்; செவிடன் பாட்டைப் பழித்தான்.

குருடனும் செவிடனும் கூத்துப் பார்த்தது போல.

(பார்த்த கதை.)

குருடனை நோட்டம் பார்க்கச் சொன்னாற் போல. 8955

குருடனை ராஜவிழி விழிக்கச் சொன்னால் விழிப்பானா?

குருடா சுகமா என்றாற் போல.

குருடி தண்ணீருக்குப் போனால் எட்டாள் மெனக்கீடு.

(வினைக் கேடு.)

குருடி மை இட்டாலும் குருடு குருடே.

குருடி வயிற்றிலே குஞ்சரம் பிறந்தது போல். 8960

குருடு ஆனாலும் குதிரை சிமிட்டுகிறதில் தா இல்லை

குருடு குருடு என்றால் செவிடு செவிடு என்கிறாய்.

(குடுகுடு என்கிறாய்.)

குருடும் செவிடும் கூத்துப் பார்த்தாற் போல்.

குருத் துரோகம் குல நாசம்.

குரு நின்ற நிலையில் நின்றால் சீடன் ஒடுகிற ஓட்டத்தில் இருக்கிறான். 8965

குரு நின்று கொண்டு பெய்தால் சிஷ்யன் ஓடிக் கொண்டு பெய்வான்.

குரு பார்வையால் கோடிப் பாவம் விலகும்.

குரு மொழிக்கு இரண்டு உண்டா?

குரு மொழிக்குச் குறுக்கே போகலாமா?

குரு மொழி கேளாதவனும் தாய் வார்த்தை கேளாதவனும் சண்டி, 8970

குரு மொழி மறந்தோன் திரு அழிந்து அழிவான்.

குரு வாய் மொழியே திருவாய் மொழி.

குருவி உட்காரப் பனம் பழம் விழ.

குருவிக்கு ஏற்ற ராகசுரம்.

(யாழ்ப்பாண வழக்கு. குருவி வாய்க்குள் வைக்கும் நாகசுரத்தின் உறுப்பு சக்கை என்பர்.)

குருவிக்குத் தகுந்த ராமேசுரம். 8975

(ராமேசுவரம்.)

குருவிக்குத் தகுந்த பாரம்.

குருவிக்குப் பல நாளைய வேலை; குரங்குக்கு ஒரு நாழிகை வேலை.

குருவிக் கூட்டைக் குலையக் கலைக்காதே.

குருவிக் கூட்டைக் கோலாலே கலைக்காதே.

(கலைக்கிறது.)

குருவி கழுத்தில் பனங்காயைக் கட்டித் தொங்கவிட்டது போல. 8980

(கட்டித் தூக்கலாமா?)

குருவி சிறுகச் சிறுகத் தனக்குக் கூட்டைக் கட்டுகிறது.

குருவி சொல்லும் மருவிக் கேள்.

குருவி தலையில் பனங்காயை வைத்தாற் போல.

(தேங்காயை.)

குருவி போலக் கூடு கட்டிக் குரங்கு போலப் பிய்த்தெறிவான்.

குருவி போல மூக்காலே சேர்த்தானாம். 8985

குருவுக்கு ஏற்ற சீடன்.

குருவுக்குத் துரோகம் செய்தாலும் குடலுக்குத் துரோகம் செய்யக்கூடாது.

குருவுக்கும் நாமம் குழைத்துப் போடுவான்.

குருவுக்கு நாமம் போட்டுக் கோபாலப் பெட்டியில் கைபோட்டது போல.

குருவுக்கு மிஞ்சின சிஷ்யன். 8990

குருவும் தாரமும் கொண்டவன் தவம்.

குரு வேஷம் கொண்டவன் எல்லாம் குரு ஆவானா?

குரைக்காத நாய் குதிகாலைக் கடிக்கும்.

குரைக்காத நாயையும் அசையாத நீரையும் நம்பாதே.

குரைக்கிற நாய் ஆனாலும் பட்டியைக் காக்கட்டும். 8995

குரைக்கிற நாய்க்கு எல்லாம் கொழுக்கட்டை போட முடியுமா?

குரைக்கிற நாய்க்கு எலும்பைப் போட்டாற் போல.

(எலும்புத் துண்டைப் போடு.)

குரைக்கிற நாய்க்கு ஒரு துண்டுக் கருப்பட்டி.

குரைக்கிற நாய்க்குக் குத்துச் சோறும், சிலைக்கிற புண்ணுக்குப் பொட்டு எண்ணெயும் தேவை.

குரைக்கிற நாய்க்குக் கொழுக்கட்டை போட்டாற் போல. 9000

குரைக்கிற நாய்க்குப் பிண்டம் போடு; தானே ஓடிப் போகும்.

குரைக்கிற நாய் கடிக்காது.

(கடிக்கிறது அரிது.)

குரைக்கிற நாய் கடிக்காது; இடிக்கிற மேகம் பெய்யாது.

குரைக்கிற நாய் குதிகாலைக் கடிக்கும்.

குரைக்கிற நாய் வேட்டைக்கு உதவாது. 9005

(ஆகாது, வேட்டை பிடிக்குமா?)

குரைக்கிற நாயின் வாயிலே கோலைக் கொடுத்தால் ஊர் எங்கும் கொண்டோடிக் குரைக்கும்.

குரைக்கிற நாயை அடித்தால் இன்னம் கொஞ்சம்கூடக் குரைக்கும்.

குரைக்கிற நாயைக் கண்டு பயப்படாதே.

குரை குரை என்றால் குரைக்காதாம் கொல்லக்குடி நாய்; தானாகக் குரைக்குமாம் தச்சக்குடி நாய்.

குரைத்தால் நாய்; இல்லாவிட்டால் பேய். 9010

குல்லாய்க்கார நவாபு, செல்லாது உன் ஜவாபு.

குல்லாய்க்குத் தலையா? தலைக்குக் குல்லாயா?

குல்லாய் போடப் பார்க்கிறான்.

குல்லாயை எடு என்றால் முல்லாவை அழைத்த கதை,

குலத்தனவே ஆகும் குணம். 9015

குலத்திலே குரங்கைக் கொள்.

குலத்திலே முளைத்த கொடி என்ன கொடி? கற்பிலே மலர்ந்த பெண் கொடி.

குலத்துக்கு ஈனம் கோடாரிக் காம்பு.

குலத்துக்கு ஏற்ற குணம்.

குலத்துக்கு ஏற்ற பெண்; நிலத்துக்கு ஏற்ற நெல். 9020

குலத்துக்கு ஏற்ற பேச்சு.

குலத்தைக் கெடுக்கவந்த கோடாரி. குலத்தைக் கெடுக்குமாம் குரங்கு.

குலம் எப்படியோ, குணமும் அப்படியே.

குலம் குப்பையிலே, பணம் பந்தியிலே. 9025

குலம் குலத்தோடு; வெள்ளம் ஆற்றோடு.

குலம் குலத்தோடே, வெள்ளாடு தன்னோடே.

குலம் புகுந்தும் குறை தீரவில்லை.

(குறையா?)

குலமகட்கு அழகு கொழுநனைப் பேணுதல்.

குலமகன் குலத்துக்கு அழுவான்; மூக்கறையன் மூக்குக்கு அழுவான். 9030

குலமும் ஒன்று; குறியும் ஒன்று.

குல வித்தை கல்லாமற் பாகம் படும்.

(பழமொழி நானுாறு. )

குல வித்தை கற்றுப் பாதி; கல்லாமற் பாதி.

குலஸ்தீரீ தன் பர்த்தாவையும் பரஸ்திரீ தன் மேனியையும் பேணுவாள்.

(தன் கணவனையும்.)

குலாசாரத்தைக் குழிக்கறி ஆக்கி மதாசாரத்தின் வாயில் மண் அடிக்க வேண்டும். 9035

(மண் அடிக்கிறது.)

குலாம் காதருக்கும் கோகுலாஷ்டமிக்கும் என்ன சம்பந்தம்?

குலை நடுங்கப் பேசினால் அலமலந்து போகும்.

குழக்கட்டைக்குத் தலை பார்த்துக் கடிப்பதுண்டா?

குழக்கட்டைக்குத் தலையும் இல்லை; குறவனுக்குக் குறையும் இல்லை.

(கூத்தாடிக்கு.)

குழக்கட்டை தின்ற நாய்க்குக் குறுணி மோர்

குருதட்சினையா? 9040

குழக்கட்டை தின்ற பூனைக்குக் குடுவை மோர் வரதட்சிணை.

குழந்தாய் குழியில் அமிழ்ந்தாதே.

குழந்தை இல்லாத வீடு சுடுகாடு.

குழந்தை உள்ள வீடு கோவில்.

குழந்தைக் காய்ச்சலும் குண்டன் காய்ச்சலும் பொல்லா. 9045

குழந்தைக்காரன் குழந்தைக்கு அழுதால் பணிச்சவன் காசுக்கு அழுதானாம்.

குழந்தைக்கும் நாய்க்கும் குடிபோகச் சந்தோஷம்.

குழந்தை காய்ச்சலும் குள்ளன் காய்ச்சலும் பொல்லாதவை.

(குண்டன் காய்ச்சலும்.)

குழந்தை தூங்குகிறது எல்லாம் அம்மையாருக்கு லாபம்.

குழந்தை நோய்க்கு வஞ்சகம் இல்லை. 9050

குழந்தைப் பசி கொள்ளித் தேள்.

(கொள்ளி போலே.)

குழந்தைப் பசியோ? கோவில் பசியோ?

குழந்தைப் பட்டினியும் கோயில் பட்டினியும் இல்லை.

குழந்தைப் பாலை வெடிப்பிலே வார்க்கிறதா?

குழந்தைப் பிடியோ? குரங்குப் பிடியோ? 9055

குழந்தை பிறக்குமுன் பேர் இடுகிறதா?

குழந்தை மலத்துக்குக் குட்டி நாய் வந்தது போல.

குழந்தையின் காதிலே திருமந்திரம் உபதேசித்தாற் போல்.

குழந்தையின் தேகம் போல.

குழந்தையின் முகமும் வாடக் கூடாது; குலுக்கையின் நெல்லும் குறையக் கூடாது. 9060



குழந்தையும் தெய்வமும் கொண்டாடும் இடத்தில்.

(இடத்திலேதான் மகிழ்ச்சி.)

குழந்தையும் தெய்வமும் கொண்டு அணைக்கிற பக்கம்.

குழந்தையைப் பறிகொடுத்துத் தவிக்கிற போது, கிடக்கிறது கிடக்கட்டும், கிழவனை மணையில் வை என்றது போல.

குழந்தையையும் கிள்ளி விட்டுத் தொட்டிலையும் ஆட்டுதல்.

குழத்தை வளர்ப்பது ஒரு கோயில் கட்டுவதற்குச் சமம். 9065

குழந்தை வாக்குத் தெய்வ வாக்கு.

குழந்தை வாயை முத்தம் இட்டது போல

குழம்புப் பால் குடிக்கவும் குமர கண்ட வலிப்பா?

குழவணப்பிள்ளை போல் பெருத்திருக்கிறான்.

குழறிக் குழறிக் குமரனைப் பாடு. 9070

குழிக் கண்ணும் கோடுவாய் வழிச்சலும்.

குழிப்பிள்ளை மடிப்பிள்ளை.

குழிப்பிள்ளையை எடுத்து இழவு கொண்டாடுகிறது போல.

(கொண்டாடாதே.)

குழிப் பிள்ளையைத் தோண்டி ஒப்பாரி வைப்பது போல.

குழிப் பிள்ளையை நரி சுற்றுவது போல. 9075

குழியிற் பயிரைக் கூரைமேல் ஏற விடுகிறது.

(ஏற்றினாற் போல.)

குள்ளக் குளிர நீராடினால் குளிர் போகும்.

குள்ள நரி தின்ற கோழி, கூவப் போகிறதோ?

(கூப்பிடப் போகிறதோ?)

குள்ளப் பார்ப்பான் பள்ளத்தில் விழுந்தான்; தண்டு எடு, தடி எடு.

குள்ளன் குடி கெடுப்பான்; குள்ளன் பெண்சாதி ஊரைக் கெடுப்பாள். 9080

குள்ளன் குழியில் விழுந்தால், தண்டெடு தடி எடு.

குள்ளனைக் கொண்டு கடலாழம் பார்க்கலாமா?

(பார்க்கிறான்.)

குளத்தில் போட்டுக் கிணற்றில் தேடலாமா?.

(நதியில் தேடுவதா?)

குளத்திலே கால் கழுவா விட்டால் குளத்துக்கு என்ன குறை?

குளத்தின் மேலே கோபம் வந்தால் தண்ணீர் குடிக்காமல் போகிறதா? 9085

குளத்தினிடம் கோபித்துக் கொண்டு கால் கழுவாமல் போனானாம்.

குளத்துக்கு மழை குந்தானி போற் பெய்யுமோ?

(கோவிந்த சதகம்.)

குளத்தைக் கலக்கிப் பருந்துக்கு இரை இட்டது போல.

(இரை கொடுக்கவோ?)

குளத்தை வெட்டி விட்டுத் தவளையைக் கூப்பிட வேண்டுமா?

குளப்படி கண்டு கடல் ஏங்குமா? 9090

குளப்படி தண்ணீர் சமுத்திரம் ஆனால், குடம் தண்ணீர் எவ்வளவு ஆக வேண்டும்?

குளப்படி தண்ணீரைச் சமுத்திரத்தில் இறைப்பானேன்?

குளப்படி நீரை இறைத்தால் கடற்பள்ளம் நிரம்புமா?

குளம் இருக்கிறது; நான் இருக்கிறேன்.

குளம் எத்தனை குண்டியைக் கண்டதோ? குண்டி எத்தனை குளத்தைக் கண்டதோ? 9095

குளம் காக்கிறவன் தண்ணீரைக் குடியானோ?

குளம் தோண்டித் தவளையைக் கூப்பிட வேண்டுமா?

குளம் பெருத்தது அடைச்சாணி; கோயில் பெருத்தது சேரமா தேவி.

குளம் வற்றினால் முறை வீதம் உண்டா?

(வற்றியும். குளம் உடையும் போது.)

குளம் வெட்டப் பூதம் புறப்பட்டது போல. 9100

குளம் வெட்டு முன்னே முதலை குடி இருக்குமா?

குளவி ஊதி ஊதிப் புழுவைத் தன் நிறம் ஆக்கியது போல.

குளவிக்குப் பச்சைப் புழு பிள்ளை.

குளவிக் கூட்டிலே கல்லை விட்டு எறியாதே.

(எறிகிறதா?)

குளவிக் கூட்டைக் கோலால் கலைக்காதே. 9105

(கலைத்தாற் போல.)

குளவி கூடு கட்டினால் பிறப்பு; நாய் பள்ளம் தோண்டினால் இறப்பு.

குளவி புழுவைத் தன் நிறம் ஆக்குவது போல.

குளிக்கப் போய்ச் சேற்றைப் பூசிக் கொண்டது போல.

குளிசம் கட்டிக் குட்டி இரட்டித்தது.

(கட்டியும்).

குளித்தால் குளிர் போகும்; நசித்தால் நாணம் போகும். 9110



குளித்துப் பேணினவனுக்கு இரு வேலை.

குளித்து முப்பது நாள் ஆகவில்லை; குனிந்து உப்பு எடுக்க முடியவில்லை.

குளிர்ந்த கொள்ளியாய் இருந்து குடியைக் கெடுக்கலாமா?

குளிர்ந்த நிழலும் கூத்தியார் வீடும் உள்ளபோது மயிரான உத்தியோகம் இருந்தால் என்ன? போனால் என்ன?

(இந்த வருமானம் வந்தால் என்ன? போனால் என்ன?)

குளிர் விட்டுப் போயிற்று. 9115

குளிராத உள்ளும் கூத்தியாரும் உண்டானால் மயிரான சம்பளம் வந்தால் என்ன? போனால் என்ன?

குளிராத வீடும் கூத்தியாரும் உண்டானால் மயிரான வேளாண்மை விளைந்தால் என்ன? விளையாமற் போனால் என்ன?

குளுகுளு என்பார் தீப் பாய்வார்களா?

(குலுகுலு என்பார்.)

குற்றத் தண்டனையிலும் சுற்றத் தண்டனை நல்லது.

குற்றத்தைத் தள்ளிக் குணத்தைப் பாராட்டு. 9120

(எடுத்துக் கொள்.)

குற்றம் அடைந்த கீர்த்தி குணம் கொள்வது அரிது.

(கொள்ளல் ஆகாது.)

குற்றம் உள்ள நெஞ்சு குறுகுறு என்னும்; குறும்பி உள்ள காது தினவு கொள்ளும்.

(குறுகுறுக்கும். தினவு எடுக்கும்.)

குற்றம் பார்க்கிற் சுற்றம் இல்லை.

(சுற்றம் ஏது?)

குற்றம் போலச் செய்து குணம் செய்கிறது. குற்றம்

மறைப்பதில் மற்றொரு குற்றம் நேரும். 9125

குற்ற மனச்சாட்சி கூடி வாழச் சத்துரு.

(வாழும் சத்துரு.)

குற்றவாளி பலவீனன்.

குற்றாலத்தில் குளித்தவனும் குடை வரையில் தூங்கினவனும்.

குற்றாலத்துக் குரங்கே, மரத்தை விட்டு இறங்கே.

குற்றால நாதருக்கு நித்தம் தலைவலி. 9130

குற்றால நாதருக்கு வற்றாக் குடி நீரும் மாறாத் தலையிடியும்.

(குறுமுனி அமுக்கியதால் தலைவலி, அதற்குத் தலைமுழுக்கு.)



குறட்டுக் கத்தி ஆண் பிள்ளையை விடாது; கொழுந்துக்கூடை பெண் பிள்ளையை விடாது.

குறத்தி பிள்ளை பெறக் குறவன் பத்தியம் தின்ன.

(மருந்து. காயம்.)

குறத்தி பிள்ளை பெறக் குறவன் பெருங்காயம் தின்பான்.

(காயம்.)

குறத்தி பிள்ளை பெறக் குறவன் மருத்துவம் பண்ண. 9135

குற வழக்குக்குச் சக்கிலி வழக்கு இலேசு.

(வழக்கும்.)

குற வழக்கும் இடை வழக்கும் கொஞ்சத்தில் தீரா.

குறவன் குச்சுக் கட்டினாற் போல.

குறவன் விழிப்பது போல விழிக்கிறான்.

குறிக்குத் தகுந்த ராமசாம். 9140

குறிஞ்சி அழிந்து நெருஞ்சி ஆயிற்று.

குறிப்பு அறிந்து கொடுக்கும் கொடையே கொடை.

குறுக்குச் சால் ஒட்டுகிறான்.

குறுக்கே வந்து குட்டை குழப்பாதே.

(பேசி.)

குறுகு குறுகு குற்றாலம். 9145

(அகத்தியர் கூற்று.)

குறுகுறு நாதா குற்றால நாதா.

குறுங்கைக்கும் கயிலைக்கும் கூப்பிடு தூரம்.

(குறுங்கை-திருக்குறுங்குடி.)

குறுணிக்காரனுக்கு வாழ்க்கைப் பட்டுப் பதக்குப் பதக்கு என்று அடித்துக் கொண்டால் வருமா?

குறுணி கொடுத்து நாழி வாங்குகிறதா?

குறுணிப் பால் கறந்த போதிலும் கூரை பிடுங்கப் பார்த்திருக்கலாமா? 9150

குறுணி போட்டால் பதக்கு வருமா?

குறுணி மைதான் இட்டாலும் குருட்டுக் கண் தெரியுமா?

(குருடு குருடே.)

குறுணி மைதான் இட்டாலும் குறிவடிவம் கண் ஆகாது.

குறும்பாடு போல.

குறும்பைத் தவிர்க்கும் குடி தாங்கு. 9155



குறும்பை பூத்தாலும் குணம் போமா நெருப்புக்கு?

(குறுமை.)

குறை அறக் கற்றவன் கோடியில் ஒருவன்.

குறை உள்ளார்க்கு உண்டு குறுகுதல்; கறை உள்ளார்க்கு உண்டு கரவு.

குறைக் கேழ்வரகு அரைக்கவா?

குறை குடம் கூத்தாடும். 9160

குறை குடம் தளும்பும்; நிறை குடம் தளும்பாது.

குறைந்த கருமான், நீண்ட தச்சன்.

குறைந்த வயிற்றுக்குக் கொள்ளும் பலாக் காயும்; நிறைந்த வயிற்றுக்கு நீர்மோரும் பானகமும்.

(ததியோதனமும்.)

குறையச் சொல்லி நிறைய அள.

(நிறையக்கொடு.)

குறையை நினைத்துக் கோயிலுக்குப் போகக் குறை வந்து கொண்டையிலே ஏறிற்றாம். 9165

குறை வித்தையைக் குருவுக்குக் காட்டுகிறதா?

குறைவு அறக் கற்றவன் கோடியில் ஒருவன்.

குறை வேலையை அம்பலத்தில் கொண்டு வரலாமா?

குறை வேலையைக் குருக்களுக்குக் காட்டாதே.

(குருக்களுக்கும் காட்டலாகாது.)

குறை வேலையை முடியாமல் அம்பலத்துக்கு வரலாமா? 9170

குன்றக்குடித் தேவடியாளுக்கு நின்றாற் போலப் பயணம் வரும்.

குன்றி மணி இல்லாத் தட்டான் குசுவுக்குச் சமானம்.

(குசுக் கூடப் பெறமாட்டான்.)

குன்றி மணிக்குக் குறுக்கே கறுப்பு.

குன்றி மணிக்கும் பின்புறத்தில் கறுப்பு.

குன்றி மணித் தங்கம் இல்லாவிட்டால் கொஞ்சங்கூடத் தட்டான் பிழைக்கமாட்டான். 9175

குன்றி மணி குப்பையில் கிடந்தாலும் குன்றுமா நிறம்?

குன்றி மணிப் பொன் பூட்டிக் கொள்ளக் கோடி தவம் செய்ய வேணும்.

(பொன் கிடைக்க.)

குன்றில் ஏறி ஆனைப்போர் பார்த்தாற் போல.

குன்றின்மேல் இட்ட விளக்குப் போல.

குன்றினால் பாலா? குழைந்தால் சாதமா? 918

குன்று முட்டிய குருவி போல,

குனிந்தவனுக்குக் கூட ஒரு குட்டு.

குனிந்து ஒரு துரும்பு கிள்ளிப் போடச் சீவன் இல்லாமல் போனாலும் பெயர் என்னவோ பனைபிடுங்கி.

குஷ்டம் பிடித்த நாய் மாதிரி.