திருக்கரந்தை ஆதிவராகப் பெருமாள் வருக்கக்கோவை
திருக்கரந்தை ஆதிவராகப் பெருமாள் வருக்கக்கோவை[தொகு]
ஆசிரியர்: தெரியவில்லை[தொகு]
நூல்[தொகு]
காப்பு
திருக்கோவை யாதி வராகர்தங் கோவை சிறந்தவைந்து
தருக்கோவை வாழ்வித்த சக்கரக் கோவைத் தமிழ்மணக்கு
மருக்கோவை யாங்கரந் தைக்கோவை சாற்றும் வருக்கமீந்தீ
ருருக்கோவைப் புள்ளர சைப்பணிந்த தேதுணிந் தோதுவனே. ()
உயிர் வருக்கம்-12 பாடல்கள்[தொகு]
கைக்கிளை
காட்சி
பாடல்:01 (அரவிந்த)[தொகு]
அரவிந்த முங்குமி ழுங்கருங் காவியு மாம்பலுந்தேன்
விரவுந் தளவமுங் கோங்கமுந் தாங்கிவெண் சங்கமுஞ்சக்
கரமுந் தரித்தவ ராதி வராகர் கரந்தைவெற்பில்
வரவந் தாவாவிம் மலர்க்காவிற் கற்பக வல்லியொன்றே. (01)
- பதவுரை
- கருத்துரை
- விசேடவுரை
ஐயம்
பாடல்: 02 (ஆலோன்)[தொகு]
- ஆலோன் விழுங்குமும் மண்டல மோகும்ப னாலயமோ ()
- வேலோன் பொருத வியலிட மோகன்று மேய்த்தசெங்கண் ()
- மாலோன் கரந்தையி லாதி வராகர் மலரணையின் ()
- பாலோ விவர்பொற் பதத்தூளி தாங்கிப் பயனுறவே. (02)
துணிவு
பாடல்: 03 (இருங்காவி)[தொகு]
- இருங்கா வியங்கண் கயல்போ லிமைக்கு மெழுத்துரைக்கும் ()
- பெருங்கா மவல்லி பிணையலும் வாடும் பெயர்த்துநடை ()
- தருங்கான் மலருந் துழாய்மால் வராகர்சந் தாடவிக்குள் ()
- வருங்கா மவல்லியிம் மாதரை யாளு மலர்விழியே. (03)
பாடல்: 04 (ஈட்டிய)[தொகு]
(குறிப்பறிதல்)
ஈட்டிய நோயுமந் நோய்தீர் மருந்து மிருந்தவத்தாற் ()
காட்டிய கற்பனை காரிகை யார்கடைக் கண்ணிலுண்டாஞ் ()
சூட்டிய பச்சைத் துளவோன் வராகன் சுரும்புவரை ()
கோட்டிய கும்ப முலைப்பாவை பார்வைக் குறிப்புநன்றே. (04)
பாடல்: 05 (உரைக்குங்)[தொகு]
(இடம்பெற்றுத் தழாஅல்)
உரைக்குங் கிளிகள் கருங்குயில் கூவுங்கள் ளுண்டுசுரும் ()
பிரைக்கும் பனிமலர் வாசங்கள் வீசுஞ்சந் தீர்த்தரைத்துக் ()
கரைக்கும் பொருநைத் துறையார் வராகர் கரந்தையன்னார் ()
வரைக்குங் குமமுலை விம்முநெஞ் சேயிடம் வாய்த்ததின்றே. (05)
(முன்னைலையாக்கல்)
பாடல் 06 (ஊர்பெற்ற)[தொகு]
ஊர்பெற்ற பாவைய ராயம்பெற் றீர்பந் தொடுகழங்குண் ()
டேர்பெற்ற வாவியும் பூஞ்சோ லையுமுண் டெழுதரிய ()
கார்பெற்ற மேனித் திருமால் வராகர் கரந்தையன்னீர் ()
நீர்பெற்ற தியாவர்பெற் றார்விளை யாட்டின்றி நிற்பதென்னே. (06)
(வறிது நகை தோற்றல்)
பாடல் 07 (எல்வந்)[தொகு]
எல்வந் தரும்பு மணிமேக வண்ணத்தி லிந்திரவான் ()
வில்வந் தரும்ப வருவார் வராகர்பொன் மேருவெற்பில் ()
வல்வந் தரும்பு மணிமுலை யாள்வத னாம்புயத்தி ()
லல்வந் தரும்பு நிலாப்போ னகைவந் தரும்பியதே. (07)
(முறுவல் குறிப்புணர்தல்)
பாடல் 08 (ஏர்முத்)[தொகு]
ஏர்முத் தமிழ்தங்கு மெங்க ணுமேபண் டிடைச்சியர்வாய்ச் ()
சீர்முத் தமுதஞ்செ யாதி வராகர் சிலம்பிலிரு ()
பேர்முத்த மும்பெறச் செய்வாய் பவளம் பிறங்குநகை ()
கூர்முத்த வாணகை கோடிபொன் னேவிலை கூறிடினே. (08)
(இரந்து பின்னிற்றல்)
பாடல் 09 (ஐந்தாரு)[தொகு]
ஐந்தாரு வேந்துனு மம்புயத் தோனு மமரர்களும் ()
பைந்தார் கொடுபணி யாதி வராகர் பழனவயற் ()
செந்தா மரையன மேயும தேவல் செயவறியேன் ()
வந்தாள வென்று விலையோலை வாங்கு மனந்துணிந்தே. (09)
(மெய்தொட்டுப் பயிறல்)
பாடல் 10 (ஒண்போத)[தொகு]
ஒண்போ தலருந்தி யாதி வராக ருயர்வரையின் ()
பண்போ திசைகள் பயில்வண்டு காளிடை பார்த்துமின்னார் ()
கண்போல் விளங்கியுங் காவியந் தேறியுங் கண்மலருந் ()
தண்போது சென்று பரிசாரஞ் செய்தல் தகாதுமக்கே. (60)
(பொய் பாராட்டல்)
பாடல் 11 (ஓலக்கடற்)[தொகு]
ஓலக் கடற்பள்ளி கொண்டோன் வராகனெட் டோடையொக்கு ()
நீலக் கருங்குழ னேரிழை யீருங்க ணீள்விழிகள் ()
போலக் கவின்பெற வேண்டியன் றோவண்டு போற்கயலுஞ் ()
சீலப் புவனத்தி லெப்போது மாதவஞ் செய்குவதே. (09)
(உள்ளக்கருத்தை வள்ளல் அறிதல்)
பாடல் 12 (ஔவியந்)[தொகு]
ஔவியந் தீர்ப்பவ ராதி வராக ரணிவரையார் ()
நௌவியங் கண்ணி லமுதளித் தார்வெண் ணகையளித்தார் ()
திவ்விய கொங்கை திறந்துமுத் தாரந் திருத்தினரா ()
றுவ்வியன் காவி லிசையுங்கொல் லோதுணிந் தோர்மனமே. (60)