இப்பக்கம் மெய்ப்பு பார்க்கப்பட்டுள்ளது
அறியாப் பொருளை
'எக்ஸ்'எனக் கொள்வோம்
என்றே கூறும் கணிதம்.
வாழ்க்கையில்
மனிதன் தேடும்
எக்ஸ் தான் என்ன?
பணமே எக்ஸ்
என்பது பலப்பலர் தீர்ப்பு.
புகழே எக்ஸ்
என்பர் சிலரேயல்லர்.
எக்ஸ் என்பது
இன்பமே யாகும்;
பணம், புகழ், பதவி, பட்டம்,
சொத்து, சுகம், சோம்பல், அமைதி,
ஸெக்ஸ், ஆனந்தம்
எக்ஸ் என்று—
எதெதையோ விடையாய்
கணக்கிடும் மனிதர் கூட்டம்!
வாழ்க்கைக் கணக்கின்
விடைதான் என்ன?
கணக்கைக் கொடுத்த
வாத்தியைக் காணோம்.
தெளிவுபெற முயன்றோர்
விளைப்பது குழப்பம்.
1962
50
அமர வேதனை
