இப்பக்கம் மெய்ப்பு பார்க்கப்பட்டுள்ளது
247. கன்னிப் பெருக்கம் என்றால் என்ன?
- பூச்சிகளில் காணப்படும் ஒரு கன்னி இனப்பெருக்க முறை. கலவி இல்லாமல் பெண்கள் பெண்களையே இதில் உண்டாக்கும்.
248. கீழின விலங்குகள் மேற்கொள்ளும் கலவியிலா இனப்பெருக்க முறைகள் யாவை?
- பிளவுபடல், கன்னி இனப்பெருக்கம்.
249. விந்தணு என்றால் என்ன?
- பால் இனப்பெருக்கத்தில் பங்கு கொள்ளும் ஆண் அணு. தலை, உடல், வால் உண்டு.
250. கருமுட்டை என்றால் என்ன?
- விந்தணுவை ஏற்கும் பெண் அணு.
251. முனைப்புரி (அக்ரோசோம்) என்றால் என்ன?
- விந்தணுவின் தலைப்பகுதி, முட்டையைத்துளைத்துச் செல்லப்பயன்படுகிறது.
252. கருப்பை என்றால் என்ன?
- பெண்ணிடத்துக் கருக்குழலின் விரிந்த பகுதி. இதில் முட்டைகள் வளரும்.
253. சூல்பை என்றால் என்ன?
- சூல் அல்லது முட்டை வரும் இடம்.
254. கரு என்றால் என்ன?
- கருவணுவிலிருந்து உண்டாகும் பாலினப் பொருள். புதிய கால் வழியை உண்டாக்குவது.
255. கருவியல் என்றால் என்ன?
- கருத்தோற்றம், அதன்வளர்ச்சி ஆகியவற்றை ஆராயும் துறை.
256. பிளவுபடல் என்றால் என்ன?
- இனப்பெருக்கத்தினால் ஓர் உயிரி சமபகுதியாக இரண்டாகப் பிரிந்து ஒவ்வொரு பகுதியும் தனித்தனி இளம் உயிரிகளாதல். எ-டு அமீபா.
257. பிளலிப்பெருகல் என்றால் என்ன?
கருவுற்ற முட்டை இழைப்புரிவுகளாய்ப் பிரிவுறுதல். இதில் சமஎண்ணிக்கை உட்கருவினுள் சிறிய கண்ணறை-
