இப்பக்கம் மெய்ப்பு பார்க்கப்பட்டுள்ளது
89
- அடுத்த உயிரை அண்டி வாழும் உயிர். இது வாழ ஓம்புயிர் தேவை. இது அக ஒட்டுண்ணி, புற ஒட்டுண்ணி என இருவகை. இது தான் வாழும் உயிருக்குத் தீமை விளைவித்துத் தான் நன்மை பெறுவது. எ-டு நாக்குப்பூச்சி, ஈரல் புழு.
98. புறவாழ்வி என்றால் என்ன?
- ஏனைய உயிர்களின் மேல் வாழும் விலங்கு.
99. அக ஒட்டுண்ணி என்றால் என்ன?
- உடலின் உள்ளே வாழும் ஒட்டுயிரி. எ-டு நாடாப்புழு.
100. கட்டாய ஒட்டுண்ணி என்றால் என்ன?
- வேறு வழியில்லாது கட்டாயம் பிற உயிரைச் சார்ந்துள்ள உயிரி. எ-டு ஈரல் புழு, நாடாப்புழு.
101. ஓம்புயிர் என்றால் என்ன?
- ஒட்டுண்ணி வாழ இடமளிக்கும் உயிரி. இது இருவகை.
- 1. திட்ட ஒம்பி - புகையிலை
- 2. இடைநிலை ஒம்பி - அனோபிலஸ் கொசு
102. ஊனுண்ணி என்றால் என்ன?
- உயிரின் சதையை உண்ணும் விலங்கு. எ-டு சிங்கம், புலி
103. தாவர உண்ணி என்றால் என்ன?
- புற்கள் மற்றும் தாவரங்களை மட்டும் உண்ணும் விலங்கு. எ-டு யானை, முயல்.
104. அனைத்துண்ணி என்றால் என்ன?
- அனைத்துப் பொருள்களையும் உண்ணும் விலங்கு. காகம் தாவரப்பொருள், விலங்குப் பொருள் ஆகிய இரண்டையும் உண்பது.
105. தன்னின உண்ணி என்றால் என்ன?
- தன்னின உயிர்களைத் தானே உண்ணும் உயிரி. அரச நாகம் சிறிய பாம்புகளை இரையாக உண்ணும்.
10. மக்கள் நல்வாழ்வு
1. பொது நல்வாழ்வும் வாழ்நலமும் என்றால் என்ன?
