பக்கம்:அ. மருதகாசி-பாடல்கள்.pdf/261

விக்கிமூலம் இல் இருந்து
Jump to navigation Jump to search
இந்த பக்கம் மெய்ப்பு பார்க்கப்பட்டுள்ளது
259
பிளாட்பாரம் மட்டமுன்னு எண்ணாதீங்க-சும்மா
பேச்சுக்குப் பேச்சு கேலி பண்ணாதீங்க1
ஆளுமேலே காருமோதி ஆஸ்பத்திரி போகாமே
அனுதினம் காப்பது பிளாட்பாரம்!
கூழுக்காக நாள் முழுதும் பாடுபடும் ஏழைகளின்
கூரையில்லா வீடு இந்த பிளாட்பாரம்!
சாதிமத பேதமின்றி ஏழை பணக்காரருக்கும்
சமத்துவம் கொடுப்பது பிளாட்பாரம்!
காசையெல்லாம் கோட்டைவிட்ட ஊதாரிச் சீமான்கள்!
கடைசியில் சேரும் இடம் பிளாட்பாரம்! (பிளாட்)
காதல் கொண்ட ஆணும்பெண்ணும் மத்தவங்க காணாமே!
கண்ணாலே பேசும் இடம் பிளாட்பாரம்!-யாரும்
காலேஜில் படிக்காத பாடங்களைக் கற்றுத்தரும்
அனுபவப் பள்ளிக் கூடம் பிளாட்பாரம்! (பிளாட்)
கட்சியின் பெயராலே லட்சிய முழக்கமிட்டால்
உச்சியிலே ஏற்றுவதும் பிளாட்பாரம்!-பிறகு
கட்சிவிட்டு கட்சி மாறும் பச்சோந்திக் கும்பலைக்
காலைவாரி விடுவதும் பிளாட்பாரம்!