இப்பக்கம் மெய்ப்பு பார்க்கப்பட்டுள்ளது
மனமாற்றம்
"டாக்டர் இன்று வருவதாகச் சொன்னாரே, வந்தாரோ ? "
" வந்தார், லக்ஷ்மி.
" உம்......லேடி டாக்டரைப் பார்த்தாராமா ?
" பார்த்தாராம்.
" அவள் என்ன சொன்னாளாம் ?
" ஆப்பரேஷன் பண்ணத்தான் வேணும் என்றாளாம்.
" இல்லாவிட்டால் பிரயோசனப்படாது என்றாளாம். "
" ம்......ம்......
" டாக்டரும் ஆப்பரேஷன் பண்ணிக்கொள்வதுதான் நல்லது என்று அபிப்பிராயப்படுகிறார். "
" ம்... ம்......."
" ஒன்றும் பயமில்லை என்றார். ரொம்பச் சின்ன ஆப்பரேஷன்தானாம். "
" பயமில்லேன்னாலும். குளோரபாரம் கொடுத்துத்தானே ஆப்பரேஷன் பண்ணுவா ? ”
"ஆமாம். என்றாலும், பெரிய டாக்டர் தேவை யில்லை என்றார். தானே குளோரபாரம் கொடுப்பதாயும், லேடி டாக்டர் ஆப்பரேஷனைச் செய்துவிடலாம் என்றும் நம்ப டாக்டர் சொன்னார். "
