226
இளங்குமரனார் தமிழ் வளம் – 13
கடையாகு எதுகைக்கும் ஏற்று வந்தால், எதுகைத் தொடை யானே பெயரிட்டு வழங்கப்படும் என்பதூஉம் ; மோனையும் எதுகையுமாய் வந்து முரணினால், மோனை முரண் என்றும் எதுகை முரண் என்றும் பெயரிட்டு வழங்கப்படும் என்பதூஉம்; இணை மோனை முதலாகிய தொடை விகற்பங்களும் ஓரடியுட் பல விரவி வந்தால், வரன்முறையாற் பெயரிட்டு வழங்கப்படும் என்பதூஉம்; ‘வரனடை இல்லாதவழி யாதானும் ஒன்றாற் பெயர் கொடுத்து வழங்கப்படும்' என்பாரும், 'விகற்ப மயக்கம்’ என்பாரும் என இரு திறத்தார் ஆசிரியர் என்பதூஉம் ; ஓரடியுள் முதற் குறில் விட்டிசைத்து, மற்றை அடியுள் முதற்கட் குற்றெழுத்து வல்லொற்றடுத்து வந்தால், அதனை விட்டிசை வல்லொற்றெதுகை என்று வழங்குவர் ஒருசார் ஆசிரியர் என்பதூஉம்; செய்யுள் ஈற்றடி இறுதி எழுத்தொன்றும் இரண்டு மிகினும் இழுக்காகாது என்பதூஉம் ; இரட்டைத்தொடை இறுதிக்கண் ஓரெழுத்துக் குறையினும் இழுக்காகாது என்பதூஉம்; செய்யுளினம் தொடுக்கின் ஈற்றெழுத்தானும் சொல்லானும் இடையிட்டே தொகுப்பினும் இழுக்காகாது என்பதூஉம் வேற்றினமும் வழியெதுகை முதலியவும் வந்து முன் சொல்லப்பட்ட தொடையும் தொடை விகற்பமும் போலாமைத் தொடுத்து வருவனவற்றைச் செந்தொடை மருள் என்றும் மருட்செந்தொடை என்றும் வேண்டுவர் ஒருசார் ஆசிரியர் என்பதூஉம் ; மகார வகாரங்கள் அருகி எதுகையாய் வரினும் இழுக்காகாது என்பதூஉம் அறிவித்தற்கு வேண்டப்பட்டது; “விதப்புக் கிளவி வேண்டியது விளைக்கும்”
ஆகலின்.
அவற்றிற்குச் செய்யுள் வருமாறு:
(நேரிசை ஆசிரியப்பா)
“சிலம்படி மாதர் நன்னலம் குறித்துச்
சிலம்பதர் நள்ளென் கங்குற்
சிலம்பநீ வருதல் தகுவதோ அன்றே”
இஃது இன எழுத்தும் விகற்பமும் வரத் தொடுத்ததின்மை யால், செம்மோனை.
(குறள் வெண்பா)
“கொன்றன்ன இன்னா செயினும் அவர்செய்த
ஒன்றுநன் றுள்ளக் கெடும்
—
திருக்குறள் 109.
எனவும்,
