வஞ்சித் திணை: (அ)
புறப்பொருள்
331
வஞ்சிப்பூ மாலையைத் தலையிலே சூடி ஓர் அரசன் தன் பகைவன் மண்ணைக் கைப் பற்றுதலைக் கருதியது வஞ்சித் திணையாகும்.
(எ.டு)
“செங்கண் மழவிடையின் தண்டிச் சிலைமறவர் வெங்கள் மகிழ்ந்து விழவமர- அங்குழைய வஞ்சி வணங்கார் வணக்கிய வண்டார்ப்பக் குஞ்சி மலைந்தானெங் கோ'
வஞ்சித் திணை: (ஆ)
வஞ்சி என்னும் புறத்திணை முல்லை என்னும் அகத் திணைக்குப் புறனாகும். மண்ணாசையினாலே மிக்கு விளங்கும் அரசனுடன் மற்றோர் அரசன் சென்று அஞ்சும்படியான போர் செய்தலைக் கருதியது.
வஞ்சியரவம்:
வஞ்சி வேந்தனுடைய மறவர்குழாம் வாள் முதலிய படை களுடன் போர் கருதி வெகுண்டு எழுந்தது வஞ்சியரவம் என்னுந் துறையாம்.
(எ.டு)
“பௌவம் பணைமுழங்கப் பற்றார்மண் பாழாக வௌவிய வஞ்சி வலம்புனையச் - செவ்வேல்
ஒளிறும் படைநடுவண் ஊழித்தீ யன்ன
களிறும் களித்டுததிருங் கார்’
வஞ்சினக் காஞ்சி:
காஞ்சி மன்னன் தன் பகைவரை வெல்லுதற் பொருட்டுச் சூள் மொழிந்தது வஞ்சினக் காஞ்சி என்னுந் துறையாம்.
(எ.டு)
'இன்று பகலோன் இறவாமுன் ஒன்னாரை வென்று களங்கொள்ளா வேலுயர்ப்பின்-என்றும் அரணவியப் பாயும் அடையார்மு னிற்பேன்
முரண்அவிய முன்முன் மொழிந்து'
