அணி
499
எடு:-
"பொறையிற் சிறந்த கவச மில்லை."
பிரதீபவணி
உலகத் தியாதாயினும் ஒளிமயமாம் ஒரு முக்கியப் பொருட்கு ஒப்புடையனவாம் பொருளால் அடையுங் காரியத்தை அம் முக்கியப் பொருளான் மிகவும் எய்தப் பெற்றதாயதனை மதித்து நல்லதெனவுரைப்பது பிரதீபம் என்னும் அணியாம்.
எடு :-
“வேலா வலயம் விளக்கிய காரிருளைத் தோலா துடற்றுஞ் சுடர்மயமாங் - கோலா கலத்தமிழ்வே தச்செங் கதிருதிப்ப வும்பர் தலக்கதிரென் வேண்டுமினித் தான்.
பிரத்திய நீகவணி
யாதாயினும் ஓர் உவமேயப் பொருட்கு ஒரு திறத்தால் தோற்ற வுவமைப் பொருளத்திறத்தால் அதற்கு ஒத்ததோர் உவமப் பொருண்மேல் அமர்விளைப்பதாகக் கூறுதல் பிரத்திய நீகம் என்னும் அணியாம்.
எடு :-
“தேமலர்வா விப்புதுவைச் செல்விமுகப் பொற்பினுக்குத் தூமதியந் தோற்றதற்பின் றோலாத - காமருசீ
ரந்தா மரைமே லமர்விளைக்கும் கங்குலின்கண் வந்தாடல் பெற்ற மதி.”
பிரிநிலை உயர்வு நவிற்சியணி
இதுவும் உயர்வு நவிற்சியணி வகைகளுள் ஒன்று. உலகத்தில் புகழ் பெற்று விளங்குவதாகிய தீரம், உருவம், செல்வம் முதலியவை கட்கு இனமாகிய தீராதிகளைப் பிரித்துச் சொல்லுதலாம். எடு :-
"பாந்தண் முடியிற் பரிக்குங் குவலயத்தில்
வேந்தனது தீரமொன்றும் வேறு
எனவும்
“போதார் மலர்க்கூந்தற் பூவை யிவள்படைப்புச்
சாதா ரணமான தன்று.
