95
பின்னிணைப்பு
யாவற்றையும் ஊடுருவிச் செல்லவல்லது. நுண்ணிதினும் நுண்ணிய பொருள், வானொலியின் வாகனம்; ஒளியின் வாகனமும் இதுவே.
வானொலி அலைகள் (Radio Waves) : மின் கடத்தியில் அலைகளை உண்டாக்கும் கருவியில் — முன்பின்னாகத் திசைமாறித் துரிதமாக ஓடி வரும் மின்னணுக்கள் வெறும் வெட்ட வெளியில் பரவச் செய்யும் அலைகளே 'வானொலி அலைகள்.' ஓரூரிலிருந்து அனுப்பப்பெறும் இவை ஒரு குறிப்பிட்ட அலை நீளத்தை யுடையனவாக இருக்கும்.
வான் கம்பி (Aerial) : வானொலி நிலையத்தில் அலைகளை நாலாபக்கங்களிலும் பரப்புவதற்கும், ஏற்கும் கருவியினுள் அலை கொண்டுசெலுத்துவதற்கும் உரிய கம்பி. இதனை ஒலியுணர் கம்பி (Antenna) என்றும் வழங்குவர்.
வெற்றிடக்குழல் (Vacuum Tube) : காற்று முற்றிலும் அகற்றப்பெற்ற குழல். இதிலுள்ள மின் வாய்களினிடையே மின்னணுக்களால் மின்னோட்டம் நடைபெறுகின்றது. வானொலிப் பெட்டியிலுள்ள வால்வுகள் வெற்றிடக் குழல்களே.
