பாவலரேறு பெருஞ்சித்திரனார் ☐ 47
பண்டைவர லாற்றையறி! உன் உரிமைத் தீயினைப்
பற்றவைத்தே வீசிடுவாய் நல்லடிமை நாயினை!
கண்டுநிகர் தாய்மொழியால் உன்னினத்தைப் பேணுவாய்!
காலம்வரும்; வெற்றிவரும்; வாழ்க்கைநலம் காணுவாய்!
(ஏறுநடை)
ஆரியர்தம் கொட்டமெலாம் அடங்கிவிடும் நாளிலே
ஆட்சிதமிழ்த் தாயின்கையில் வந்துவிடும் வாளிலே
நேரியஉன் கொள்கையினை நீமுழங்கிப் பாடடா!
நேற்றிழந்த உரிமைநலம் நாளைவரும்; கூடடா!
(ஏறுநடை)
45 வெற்றிக்கொடி நாட்டு !
அருமைத் திராவிடத் தம்பி! - பல
அரசியல் கட்சிகளை நம்பி, நீ
அலைந்த அலை போதும்;
நடந்த நடை போதும்;
அமைவாய் ஒருபுறம் குந்தி, - இனி
அடுத்த முயற்சியினைச் சிந்தி!
அன்புடைத் தமிழின மறவ! - உனை
ஆண்ட தலைவர்களின் உறவால்
அடைந்த பழி போதும்;
மிடைந்த துயர் போதும்;
ஆழ நினைந்து வினை தொடங்கு, - நீ
அற்றைத் தமிழ்மறத்தின் மடங்கு!
விடுதலை விரும்பிடும் புலியே, - உனை
விடுத்தனர் தலைவர்கள் தனியே!
வேகம் தளராமல்
வெம்மை குளிராமல்
வீரநடையில் படைகூட்டு! - தமிழ்
வெற்றிக்கொடியை இங்கு நாட்டு!
