இப்பக்கம் மெய்ப்பு பார்க்கப்பட்டுள்ளது
154 ☐ கனிச்சாறு – ஐந்தாம் தொகுதி
156
கல்விக்கு அணிகலன்!
கல்விக் கணிகலன்
கடமையும் ஒழுக்கமும்!
செல்வம் விளைப்பன
செப்பமும் முயற்சியும்!
வெல்வ தென்பது
பொய்படா வினைத்திறம்!
அல்லல் தருவன
ஆவலும் சோம்பலும்
-1968
157
அறிவும் அறியாமையும்!
அறிவிலரும் சிற்சிலகால்
ஆர்ப்பரிப்பால் ஆன்ற
அறிவுளர்போல் வாய்ச்சொல்
அவிழ்ப்பர் - வறிதே
பெருமின்னல் ஆர்த்துப்
பெயல் துறக்கும் வானுண்(டு)!
அரும்பணியொன் றன்றோ அளவு!
-1968
158
அயர்வு கொள்ளாதே!
முழுவதும் அறிந்துகொள்!
முடிவு செய்யாதே!
தொழுவது நன்று; எனின்
அடிமையா காதே!
விழுவதும் இயல்பு; உடன்
விசும்பென நின்றுகொள்!
அழுவது கோழைமை!
அயர்வுகொள் ளாதே!
-1968