186 ஆ. புலவர் கா. கோவிந்தன்
தவம் மேற்கொள்ளுதல், பாவைத் திருமணம் முதலாம் நோன்புகளை மேற்கொள்வதால் மட்டும் அப்பயனைப் பெற்றுவிடுதல் இயலுமோ? அருள் உள்ளம் இல்லார்க்கு அவர் செய்யும் நோன்புகள் பயன்தாரா என்பதை நீ அறியாய்கொல் ? அது மட்டுமன்று, நின்பொருட்டு வருந்தும் என்நிலை கண்டு இரங்காக் கொடுமையால் நினக்கு உண்டாம்கேடு, நின்னைப் பற்றாதுவிடாது; இதை நீ உணர்தல் வேண்டும்,” என்று கூறினான். அந்நிலையில் அவள் தோழியர் அவண் வந்து விடவே, மேற்கொண்டு எதுவும் கூற மாட்டாது மீண்டான். -
அவன், ஆங்கு அவளுக்குக் கூறிய அக்காதலுரை களை அழகாகக் கூறுகிறது இச்செய்யுள்: '
"தளைநெகிழ் பிணி நிவந்த பாசடைத் தாமரை, முளைநிமிர்த்தவை போலும் முத்துக்கோல் அவிர்தொடி’ அடுக்கம் நாறு அலர் காந்தள் நுண்ஏர்தண் ஏர்உருவின், துடுப்பெனப் புரையும் நின் திரண்டநேர் அரிமுன்கைச்
சுடர்விரி வினைவாய்ந்த தூதையும் பாவையும் 5 விளையாட அரிப்பெய்த அழகு.அமை புனைவினை ஆய்சிலம்பு எழுந்து ஆர்ப்ப, அஞ்சில இயலும்நின் பின்னுவிட்டு இருளிய ஐம்பால் கண்டு என்பால் என்னைவிட்டு இகத்தர இறந்தீவாய் கேள் இனி;
மருளி, யான் மருளுற "இவன் உற்றது எவன்? என்னும்
10 "அருள் இலை இவட்கு" என அயலார் நிற்பழிக்குங்கால், வைஎயிற்றவர் நாப்பண் வகை அணி பொலிந்து நீ, தையில் நீராடிய தவம் தலைப் படுவாயோ?
