இப்பக்கம் மெய்ப்பு பார்க்கப்பட்டுள்ளது
சந்தனப் பேழை
11
- இறங்கிவரும் பேராறு பிறருக் காக
- எதிர்த்திசையில் செல்வதில்லை; இந்தச் சிங்கம்
மறந்துந்தன் கொள்கைகளைப் பிறருக் காக
- மாற்றியது கிடையாது; வல்வில் ஒரி
குறிதவறி அடித்ததில்லை; பெரியார் பேச்சுக்
- கூரம்பு தாக்காத தலைவர் இல்லை.
பொறிபறக்கும் இவர்பேச்சு நெருப்பில், சிக்கிப்
- பொசுங்காத புராணங்கள் எவையும் இல்லை.
- அரிக்கின்ற வைதிகப் படையைப் போக்கும்
- அருமருந்து பெரியாரே, இவர் வயிற்றில்
செரிக்காத உணவுமில்லை; இவர் நுணுக்கச்
- சிந்தனைகள் துளைக்காத துறையு மில்லை.
இருக்கின்ற காலத்தில் இந்த நாட்டில்
- இவரைப்போல் புகழ்பெற்ற தலைவர் இல்லை.
இறப்பதற்கு முன்பாக இந்த நாட்டில்
- இவரைப்போல் சாதித்தோர் எவரு மில்லை.