ஒரு தனிநூலா விரிவது மேவிடும் தமிழுல கத்தீர்!அமிழ்தமாம் இதனை எவ்வெவர் தாமும் எய்திட எண்ணி விரித்து விளக்கி பரப்பல்நும் அருளே! பள்ளி மாணவர் பலரும் பயனுறல் கல்வி நெறியில் காட்டு பேரருளே!
கவியரசு,
அரங்க-வேங்கடாசல
முன்மொழி.
செந்தமிழாற்றுப் படை யென்னும் இந்நூல், 'ஆற்றுப் படை' என்னும் நூல் வகையைச் சாரும். ஆற்றுப் படை யென்பது : ஒருவரிடம் சென்று நன்மை பெற்று வரும் ஒருவன், வழியில் எதிர்ப்படுந் தன்னொத்த மற்றொருவனை நோக்கி, யான் இன்னாரிடஞ் சென்று இன் னின்ன பொருள்கள் பெற்று வருகிறேன் : நீயுஞ் செல் லின் பெறலாம் என்று மொழிந்து, அவனை அவரிடம் வழிப்படுத்தி (வழிகாட்டி) அனுப்புவதாகும். ஆறு=வழி: படை=படுத்தல். தொல்காப்பியப் புறத்திணை-86-வது நூற்பாவில், - - கூத்தரும் பாணரும் பொருநரும் விறலியும் ஆற்றிடைக் காட்சி யுறழத் தோன்றிப் பெற்ற பெருவளம் பெறாஅர்க் கறிவு றீஇச் சென்றுபய னெதிரச் சொன்ன பக்கமும் ” என ஆற்றுப்படை இலக்கணம் அறிவிக்கப்பட்டுள்ளது. இதற்கு உரையாசிரியர் எழுதியுள்ள உரை : 'ஆடன் மாந்தரும் பாடற் பாணரும் கருவிப் பொரு நரும் இவருட் பெண்பாலாகிய விறலியும் என்னும் நாற் பாலாரும், தாம் பெற்ற பெருஞ் செல்வத்தை எதிர்வந்த வறியோர்க்கு அறிவுறுத்தி அவரும் ஆண்டுச் சென்று தாம் பெற்றவையெல்லாம் பெறுமாறு கூறிய கூறுபாடும்' என்பதாகும். - - -
