இப்பக்கம் மெய்ப்பு பார்க்கப்பட்டுள்ளது
உருவானது, அடடா! நாடு
தமிழச்சி உரைத்த தைப்போல்!
திருநாட்டு மக்கள் எல்லாம்
திறமுற்ற மக்கள் ஆனார்!
வருவாய்க்கங்(கு) அளவே இல்லை!
மகிழ்வோடு வாழு கின்றார்!
திருநாடு காட்டாய் எங்கும் -
திகழுதல் காண வாரீர்!
173
ஆண்டியும் அரசும் இல்லை!
அவசரச் சட்டம் இல்லை!
வேண்டிய(து) அவர்அ வர்க்கு
விருப்பம்போல் கிடைக்கும்! மன்றம்
ஆண்(டு)இல்லை வழக்குத் தீர்க்க!
அச்சமோ இல்லை! நெஞ்சில்
மூண்டிடும் காமம், வஞ்சம்
முளைப்பதற்(கு) இடமே இல்லை!
174
