தமிழஞ்சலி அந்த வேங்கை மரத்திலே பூக்கும் எனக்குத்தான் வேங்கைப் பூ என்ற பெயர். நான் மஞ்சள் வண்ணமாக இருப்பேன். கொத்துக் கொத்தாக மலர்வேன். அழகிலே சிறந்த பூ வேங்கைப் பூ, காணக் காணக் கவர்ச்சி மிக்கப் பூ. வேங்கைப் பூவின் தாது; பொன் பொடியன்ன மின்னும். பூ பூக்கத் தொடங்கும்போது, பெரும்பாலான அரும்புகள் ஒருங்கே மலரும். 'அரும்பல மலர்ந்த கருங்கால் வேங்கை என்று: அதன் மலர்ச்சியை ஒரு புலவர் பாடினார். வேங்கைப் பூ மஞ்சள் நிறம்தான் என்று நான் கூறினால் - நீ நம்புவாயா? அதற்கும் சில இலக்கிய ஆதாரங்கள் இருக்கின்றன தம்பி. "பொன்னினர் வேங்கை தாய ஒங் குமலை அடுக்கத்துப்" என்று 'நற்றிணையில் வரும் 28-ம் பாடல் நவில்கிறது. "பொன்னினர் வேங்கைப் பூஞ்சிலைச் செலி இயர்" என்று, அதே இலக்கியத்தின் 151-ம் பாடலில் காணப்படுகிறது. "பெருவரை வேங்கைப் பொன்மருள் நறுவீ" என்று 'ஐங்குறுநூறு அறைகிறது. 58
