93
கடிதம். 10 தம்பி, அங்கே பவனம் இங்கே படம்! பம்பாயில் பிரஹத் பாரதீய சமாஜம் - வெளிநாடு களில் திராவிடர் நிலை -நம் நாட்டில் அகதிகள் உயர்நிலை. ஆறடுக்கு மாடிகொண்ட மாளிகை எழும்பப் போகிறது -பன்னிரண்டு இலட்ச ரூபாய் செலவில்! சர்க்காரின் திட்டங்களிலே ஒன்று போலும் என்று எண்ணிவிடாதே தம்பி! ஒரு சமாஜம் கட்டப்போகும் அரண் மனை இது. அரண்மனை மட்டுமல்ல, ஆராய்ச்சிக் கூடமுங் கூட! பிரஹத் பாரதீய சமாஜம் என்பது இதன் பெயர்- இதன் பணி, வெளிநாடுகளிலே சென்று தங்கியுள்ள இந்தியர்களுக் கும் இடையே தொடர்பு, தோழமை ஏற்படுத்தி வைப்பது. இது மட்டுமல்லாமல், வெளிநாடு சென்றோரின் வரலாறு பற்றிய நுணுக்கங்கள், செல்லவேண்டிய காரணம் என்ன, சென்றபோது அடைந்த சிரமம் எப்படிப்பட்டது, சென்று அங்கு கண்ட அனுபவம் எத்தகையது என்பன போன்றவை களைக் குறித்து ஆராய்ச்சிகள் நடத்தப்படும். இத்தகைய நேர்த்தியான நோக்கத்துக்காக, அண்ணாந்து பார்ப்போரின் கழுத்து வலி எடுக்கும் அளவு உயரமாக, அன் னிய நாட்டினர் பார்த்து ஆச்சரியப்படத் தக்கவகையில், சமாஜக் கட்டிடம் சமைக்கப் போகிறார்கள். மாளிகை அமைக்க 12 இலட்சம், அதிலே மற்ற வசதிகள், ஒரு படிப்பகம் உட்படக் காண மற்றோர் நாலு இலட்சம். இதற்கு நிதி குவிகிறது. இந்திய சர்க்காரிடமிருந்து இரண்டு இலட்ச ரூபாய் நன்கொடை எதிர்பார்க்கப்படுகிறது. கருத்தறிந்தால் போதாதா, நன்கொடை வாயு வேகம் என்கிறார்களே, அவ்விதம் வந்து சேரப்போகிறது.
