பின்னுரை 355 ஆளுடைய அரசைப் பொறுத்தமட்டில் பிற சமய நுணுக்கங்கள்பற்றி அறிவும் பரந்த உலகியல் அறிவும் பன்மொழிப் புலமையும் நிறைந்திருந்தன. என்றாலும், பொறி, புலன் சேட்டைபற்றி அந்தப் பெருந்துறவியும் பின்வருமாறு பாடுகின்றார். அஞ்சினால் அடர்க்கப்பட்டு இங்கு உழிதரும் ஆதனேனை (திருமுறை:4-26-5)
வஞ்சக்கள்வர் ஐவரையும் என்மேல் தாவு அறுத்தால் அவர் வேண்டும் காரியம் இங்கு ஆவதில்லை
(திருமுறை: 6-99-3) ஆளுடைய பிள்ளை சீவன்முத்தராக இருந்து, இறைவனது ஆணையால் சில குறிப்பிட்ட செயல்களை நிறைவேற்ற இவ்வுலகிற்கு வந்தவராவார். இந்த அடிப் படையைப் பிள்ளையார் தாமே நன்கு உணர்ந்திருந்தார் என்பதைத் துறக்குமா சொலப்படாய் துருத்தியாய்” (திருமுறை:2-98-5) என்று தொடங்கும் பாடல் மூலம் அறியமுடிகிறது. எண்பத்து நான்கு லட்சம் உயிர் வர்க்கங்களைப் படைத்து, ஒவ்வொரு உயிரின் உள்ளேயும் அந்தர்யாமியாய் அவனே உள்ளாள் என்பதை அவர் நன்கு அறிந்திருந்தார். இதனை 'உரைசேரும் எண்பத்து நான்கு நூறாயிரமாம் (திருமுறை:1-1324) என்று தொடங்கும் பாடல் மூலம் அறியமுடிகிறது. இதே பிள்ளையார் இறை இலக்கணம் பேசத் தொடங்கி ஈறாய் முதல் ஒன்றாய்” (திருமுறை:1-11-2) என்ற பாடலில் 'அவன் வேறாய் உடன் ஆனான்’ என்று பேசுகிறார். இயற்கையோடு இயைந்த வாழ்வு வாழ்ந்து அனைத்திலும் இறைவனைக் காணும் இந்த மகாஞானிக்குப் பொறி, புலன்களின் சேட்டை இருந்தது என்று சொன்னால், அது நம்பமுடியாத ஒன்றாகும். என்றாலும் அப்பெருமகனாரே திருவலிவலப் பதிகத்தில்,
