இப்பக்கம் மெய்ப்பு பார்க்கப்படவில்லை
128 'துரியனைத் தன் கதையில் தாக்கி அவன் கதையை முடிப்பதாக" வீமன் சூள் உரை செய்தான். கன்னனுக்கும் அருச்சுனனுக்கும் தீராப்பகை அவனைத் தீர்த்து முடிப்பதாகப் பார்த்தன் சூள் உரைத்தான். நகுலன் சகுனியின் மகனைச் சாத்துவதாக உரைத்தான்; சகாதேவன் சகுனியை முடிப்பதாக முடிவுரை கூறினான். தருமன் மட்டும் மனம் சலியாமல் இருந்தான்; தாழ்விலும் உயர்விலும் அவன் சமநிலை கடைப்பிடித்தான். அவனால் பகை காட்ட முடியவில்லை; அவன் தனிப்பட்ட எவரையும் குறை கூறவில்லை. 'சூழ்நிலைகள் தாம் மனிதர்களைக் கெடுக்கின்றன; அவை மாறினால் திருந்துவார்கள்' என்பது அவன் நம்பிக்கை.
