இப்பக்கம் சரிபார்க்கப்பட்டது.
தொந்தியைக் குறைக்க சுலபமான வழிகள்
101
3. படுத்துச் செய்யும் பயிற்சிகள்
1. மல்லாந்து படுத்துக் கொள்ளவும்
கைகளை மடித்துத் தலையணை போல், தலைக்குப் பின்னால் வைத்துக் கொள்ளவும். (படத்தில் உள்ளபடி கைகளைத் தலைக்குப் பின் பக்கத்தில் நீட்டியிருக்கலாம். அல்லது உடலின் பக்கவாட்டில் வைத்திருக்கலாம்; அல்லது முன்னே சொல்லியிருப்பது போலும் வைத்துக் கொள்ளவும்.)
இப்பொழுது நன்றாக மூச்சை இழுத்துக் கொள்ள வேண்டும்.
கால்களை மட்டும் தூக்கித் தரையிலிருந்து உயர்த்தி 45° கோண அளவில் மேலே நிறுத்த வேண்டும்.
அங்கிருந்து கால்களை செங்குத்தாக உயர்த்தி நிறுத்த வேண்டும்.
