இப்பக்கம் சரிபார்க்கப்பட்டது.
பள்ளிக்கூடம்
பள்ளிக் கூடம் கலைக்கூடம்
துள்ளும் சிறுவர்கள் தொழிற்கூடம்!
எண்ணும் எழுத்தும் இசைபாடும்
இதயத்தில் என்றும் அசைபோடும்
கண்ணும் கருத்தும் கலைதேடும்
காவியக் கற்பனை அலையாடும்!
உடலை வளர்க்கும் விளையாட்டு
உறங்கிட வைக்கும் தாலாட்டு!
படிப்பை உயர்த்தும் கதைப்பாட்டு
பண்பைக் கொடுக்கும் செவிகேட்டு.
அன்பே மனதில் அரசாளும்
அறிவே நினைவில் தினம்வாழும்
இன்பம் நிறைந்தே கனியாகும்
இனிக்கும் வாழ்வின் துணையாகும்!
