களைகள் 125 தேவை என்றேன். மகாசக்திகள் இருவரும் நண்பர்கள் ஆயினர். மாதர் சங்கத்துக்குத் தொடர்ந்து அழைத்துச் செல்வதாக என் மனைவி சோபனாவுக்கு அழைப்பு விடுத்தாள். புதுமண வாழ்வில் ஒரு சிறு சிதைவுக்கு அது அடிகோலியது; மெல்ல மெல்லக் கணவனின் பிடிப்பு அவளை விட்டு அகலத் தொடங்கியது. அவனுக்கும் புது உறவுகள் வளர வாய்ப்புகள் ஏற்பட்டன. 8 ஆனந்தன், வரும்போது எல்லாம் ஏதாவது புதுப் பிரச்சனை உடன் கொண்டு வந்தான். "ஆனந்தன் இப்பொழுது என்ன உறுதி சொல்லிவிட்டு வந்தாய்?" அவளை வீட்டில் காண முடிவது இல்லை என்பதுதான் அவன் பிரச்சனை. "காரணம் ?” "அவள் சங்கச் செயலாளர்; நாடக டைரக்டர்; கதை வசனம் எல்லாம் அவள்தான்" "இதை எல்லாம் எப்படி அவள் கற்றுக் கொண்டாள்" "அதுதான் பெண்; கட்டுப் பெட்டியாக இருந்தவள்தான்: வாய்ப்புக் கிடைக்கிறது: அவள் இறக்கைகள் கொண்டு பறக்கிறாள்" "உன் நிலைமை?” "என்னை அம்போ என்று விட்டு விட்டாள்"
