மனை நலம் 171 "அவள் பிடிவாதமாக இருக்கிறாள் நான் இன்னொரு மணம் செய்து கொள்ளவேண்டும் என்பதில். அவள் பிள்ளை பெற்றுத்தரவேண்டும் என்று எதிர்பார்க்கிறாள்." "நீ என்ன செய்யப் போகிறாய்." "எனக்கும் ஓர் எழுத்து ஆசிரியைக்கும் தொடர்பு உண்டு; எப்பொழுதாவது நான் அவளுக்குப் பயன்படுவேன். அவளை மணக்கலாம் என்று நினைக்கிறேன்" என்றான். "பின்னால் சிக்கல்கள் வரும்; யோசித்துச் செயல்படு” என்றேன். அவன் காசெட்டுகள் கேட்டுப் பெற்று விடை பெற்றான். அவன் சென்ற சிறிது நேரத்திற்கெல்லாம் கந்தசாமியின் மனைவி அஞ்சலை என் வீட்டுக்கு வந்தாள். என் மருமகளைப் பார்க்க வந்தாள் என்பது தெரிந்தது; வரவேற்றேன். என் பேர்த்தி மீனாட்சியின் சிரிப்பு அவளை மிகவும் கவர்ந்தது. - பிறகு நேரே பேச்சுக்கு வந்தாள். "எனக்கு நீங்கள் அடைக்கலம் தரவேண்டும்" என்றாள். "இடைக்குல மடந்தையர் கண்ணகிக்கு அடைக்கலம் தர" என்றேன். "நான் உன் மருமகளோடு டெல்லிக்குப்போய் அங்கே இருந்து ஏதாவது தொழில் செய்யப் போகிறேன்' என்றாள். “கந்தசாமி ?”
