பரிசு மழை 85 "நீ தான் காரணம், மருமகளை நீ இப்படிச் சொல்லி இருக்கக் கூடாது" என்பார் அவர், "நீங்கள் உங்கள் வாயால் அவர்களை வீட்டை விட்டுப் போகலாம் என்று சொல்லி இருக்கக் கூடாது. அவன் உங்கள் வயிற்றுப் பிள்ளை; அவனை இப்படிச் சொல்லி இருக்கக்கூடாது" என்பாள் அவர் துணைவியார். "அவன் பெண்டாட்டிப் பேச்சுக் கேட்டு ஆடறான்; சொந்த புத்தி இல்லை" என்று இவர் சுட்டிக் காட்டுவார். "எல்லாம் உங்களுக்கு அவசரம்; கொஞ்சம் பொறுத்து இருக்கலாம்" என்று அங்கலாய்ப்பாள் அவள். அவர்கள் இருவரும் கருத்து ஒருமித்து உரையாடி யதையே பார்க்க முடியாது. விவாதங்கள் இருந்தால்தான் சட்டசபைகளே களை கட்டுகிறது. இந்த அம்மையாரும் வெளி நடப்பு நடப்பதாக மிரட்டுவார்கள். இவரும் அவைத்தலைவர்கள்போல் அவசரப்படுவார்; அந்த அம்மா முகம் தூக்கிக் கொண்டு 'உம்' என்று இருப்பார். காலை அரும்பிப் பகலெல்லாம் போது ஆகி மாலை மலரும் இந்தப் போர்; சதா கூச்சல்தான், மென்மையே இழந்து விட்ட நிலைமை. கேட்டால், 'இதுதான் எங்களுக்குப் பொழுது போக்கு" என்று நகைச் சுவையாகச் சொல்லி விடுவார். இந்த இரைச்சலை மறப்பதற்கு அவர் டி.வியைத் திருப்புகிறார். அதிலும் மாறிமாறிச் சண்டைக் காட்சிகள்; அவற்றைப் பார்ப்பது அவர்களுக்குப் பொழுது போக்காக அமைந்தது. அது அவர்களுக்கு அமைதியைத் தந்தது.
