53
மதியுளோர் கேட்பார்! அன்னோர்
வாக்கிலும் உண்மை உண்டாம்
புதுமையில் புதுமை காணல்
புதுமையின் போக்கென் பேனே!
3
பழமைத்தாய் ஈன்ற சேயே
பச்சிளம் புதுமை! அந்தக்
குழவியே வளர்ந்து தேய்ந்து
கூனிய பாட்டி யாவாள்!
கிழவியும்; கிழவி தந்த
கிளிமொழிக் குமரிப் பெண்ணும்
பழமையும் புதுமை யும்போல்
பாரினில் நிலவக் கண்டோம்!
4
தேவையும், தேவைக் கேற்ற
திறமையும் வாய்க்கப் பெற்றால்,
பூவையும் பூக்க வைக்கும்
புதுமைக்கு வழியுண் டாகும்!
கோவையும் மாற்றக் கூடும்!
குடிமுறை மாற்றக் கூடும்!
பாவையை மாற்றக் கூடும்!
பழமையில் புதுமை யாமே!
5
புதியதோர் உலகை எண்ணிப்
புறப்பட்டேன்! இன்பக் கிள்ளை
மதுமலர்க் குழலி இல்லாள்,
‘வயலுக்கா?’ என்றாள் ‘இல்லை;
அதுவொரு செய்தி’ என்றேன்!
அருகினில் முன்கை ஊன்றி,
மெதுவாகச் சொல்க!' என்றாள்;
உடம்படு மெய்யள் ஆனாள்!
6
