இப்பக்கம் சரிபார்க்கப்பட்டது.
1. வ. உ. சி. வாழ்க
|
ஹாலிவுட் நட்சத்திரம் ஜிப்பி சென்னைக்கு விஜயம் செய்திருந்ததல்லவா? அதைப் பற்றி அன்றையத் தினசரியில் செய்தி வெளியாகியிருந்தது. அந்த மனிதக் குரங்கை வைத்த கண் வாங்காமல் பார்த்துக் கொண்டேயிருந்தான் பூபாலன். அவனுக்கு வாயெல்லாம் பல்லாகி விட்டது. அவன் பாரதச் சிறுவன் அல்லவா?... .
சிரிப்பு அடங்கியது. அப்பொழுது அவனுடைய சிறுகுடலைப் பெருங்குடல் கவ்வியது. ஓடினான்.
மாம்பலம், ஜானகிராமப் பிள்ளைத் தெரு, வீட்டு நம்பர் இரண்டு.
‘அம்மா, பசிக்குதே, அம்மா! ஏம்மா, இப்படிப் பசிக்குது?’ என்று கேட்டான் பூபாலன்.
