இப்பக்கம் மெய்ப்பு பார்க்கப்படவில்லை
38.
39
59
பழிபறித் துண்பார்...!
கையடி காட்டிக் கரவடி எண்ணிக் கருத்தழியப் பொய்நிழ லாட்டிப் புரையுரை கூறிப் புழுவயிற்றுப் பைநிறை வாகப் பழிபறித் துண்பார் பகட்டிலெல்லாம் மெய்நிறை காணார் உளநலம் முற்றும் மிளிர்ந்தவரே!
- 1965
தமிழா ஒன்று செய்!
ஆரியர்க்குப் பாய்விரித்தாய்! ஆங்கிலர்க்குக் கற்பிழந்தாய்! பூரியர்செய் இந்திக்குப் பொற்பிழந்தாய்! - யார்யார்க்குத் தாள்பிடிக்கக் காத்திருக்கின் றாயோ தமிழ்மகனே, வாள்பிடிக்குங் கையால் வணங்கியே! - கேளினிமேல் மீசை மழித்துவிடு; முன்குடுமி வைத்துக்கொள்! காசைப் பெரிதாய்க் கருத்தில்வை - கூசுகிலா மானம் அறக்கழற்று! மாண்பை உதறியெறி! ஏனோ உனக்கு மனைவிமக்கள்? - ஊனுடலை நன்றாய் வளர்ப்பதுவே நல்வாழ்க்கை! - நாள்முழுதும் தின்று கொழுத்துத் திரி!
