78.
131
தமிழர்க்கு விடிவுண்டு!
பார்ப்பனர் நால்வர் சேர்ந்தால் பகை.பூசல், பொறாமை மற்றும் ஆர்ப்பரிப் பெதுவு மின்றி, அவரின வேர்க்குள் நீரை வார்ப்பதெப் படி என் னென்ன வழிவகை? தமிழி னத்தைத் துார்ப்பதெப் படி ? - என் றெல்லாம் எண்ணுவார்; துணையும் காண்பார்:
அந்தோ! இவ்வுலகில் உள்ள அனைவர்க்கும் மூத்த தாம் நம் செந்தமிழ் இனத்தில் நால்வர் சேர்ந்திடில், தமக்குள் தாமே கொந்துதல், குடைதல், குத்தல், குழிபறித் திடுதல் - எல்லாம் சந்தையில் நடப்ப தைப்ப்ோல் சடுதியில் நடந்து போகும்!
ஒருவனை ஒருவன் ஏய்ப்பான்; ஒருவனை ஒருவன் சாய்ப்பான்; உருவாகித் திரளும் போழ்தில் ஒருவனை ஒருவன் மாய்ப்பான்! குருவினை முதுகில் குத்தி. மாணவன் குடைந்து பார்ப்பான்! எருவெனப் பயனா கின்ற: ஒருவனை இணைந்தெ திர்ப்பான்!
தமிழின இளைஞர் கூட்டம்(தப்பில்லை நானு ரைத்தல்) உமியினம்! பயனே யின்றி. ஊர்சுற்றும்; தெருக்கள் சுற்றும்! திமிலெனத் தோற்றம்! ஆனால் தென்பில்லை; ஊற்ற மில்லை! இமியள வேனும் நம்மின் இனம்பற்றிக் கவலை யில்லை!
