18
சுளி
துளாய்
பவளம்
கட்டுரை வரைவியல்
சுழி - முகங்கோணு, கோபி
துழாய் - துளசி
பவழம்
மங்கலம் என்னும் சொல் மங்களம் என்றும் வழங்கும்.
திரிசொற் (Derivatives) களிலும் தொடர்களிலும் வரும் ளகர ழகரங்களை, அச் சொற் சொற்றொடர்களின் பகுதிகளையேனும் நிலைமொழி வருமொழிகளையேனும் நோக்கிப் பெரும்பாலுந் துணிந்தறிதல் கூடும்.
எ-டு : பழக்கு என்பது பழகு என்பதின் பிறவினை.
தாழங்குடை = தாழை + குடை
ளகர ழகரந் துணியப்படாத பிறசொற்களை ஆசிரியர்வாய்க் கேட்டுணர்க.
5. மொழிமுத லெழுத்துகள் (Initial Letters)
மெய்யெழுத்துகளும், ஆய்தமும், ங, ட, ண, ர, ல, ழ, ள, ற, ன என்னும் ஒன்பதெழுத்துகளின் உயிர்மெய்களும் தமிழில் மொழி முதல் வரா; மெய்யெழுத்தும் ஆய்தமும் வரிமுதலிலும் வரா.
‘டம்’ ‘டப்’ போன்ற ஒலிக்குறிப்புகளிலும், அவற்றினடியாகப் பிறந்த டங்கா, டமாரம், டப்பி முதலிய சொற்களிலும் டகர முதலைத் தகர முதலாக எழுதுதல் வேண்டும்.
எ - டு : டமருகம் (வ) - தமருகம்; டொப்பி (இ.) - தொப்பி.
டப் என்ற வல்லின மெய்யீற்று ஒலிக்குறிப்பை, தப்பு என்றெழுதுவது நல்லது. தமிழ்ச்சொற்களாயினும் அயற்சொற்களாயினும் டகர முதற்சொற்களைத் தகர முதலாகவாவது இகரம் முன்னிட்டாவது எழுதுவதே சிறந்தது.
எ - டு : டவண்டை - தவண்டை, டம்பம் (வ.) - தம்பம், இடம்பம், டுமுக்ளா -துமுக்களா.
எல்லா மெய்களும் அகரச் சாரியைப் பெற்றுத் தம்மைத்தாங் குறிக்கும்போது மொழிமுதலாய் வரும்.
எ - டு : ழகரம், னகரம்.
நிலைமொழி யீற்றிலுள்ள யகர மெய்யோடாவது, இ, ஈ, ஐ என்ற உயிர்களோடாவது இகரம் புணர்ந்து, ‘யி' வருமொழி முதலில் வரலாம்; ஆனால், தனித்து மொழிமுதலில் வரவே வராது.
எ - டு : போய் + இருக்கிறான் - போயிருக்கிறான்.
துடி + இடை = துடியிடை
