தொடரியல்
115
முத்தரங்களையும் ஒருங்கே கூறுவதற்குத் தலை இடை கடை என்னும் சொற்களும் பயன்படும். ஆனால், இவை முத்தரங்களையும் இணைத்துக் கூறா.
எ-டு: பயிர்செய்யும் நிலங்களுள் மருதம் தலை; முல்லை இடை;
குறிஞ்சி கடை.
சொன்னதிற்கு மேலும் அறியும் மாணவர் தலையாயவர்; சொன்னதையே அறியும் மாணவர் இடையாயவர்; சொன்னதையும் அறியாத மாணவர் கடையாயவர்.
இனி, எண்ணலளவைப்
தரத்தைக் குறிப்பதுமுண்டு.
பெயர்களால் பொருள்களின்
எ-டு : முழுப்புல்லை; முக்கால் மயிலை; அரைச்சிவலை; கால் கருப்பு
இம் முறையால், மூன்றிற்கு மேற்பட்ட தரங்களையும் குறிக்கலாம்.
உறழ்தர முறையாலும், பலதரங்களைக் குறிக்கலாம்.
எ-டு : குறளினும் நெடியது சிந்து; சிந்தினும் நெடியது அளவு; அளவினும் நெடியது நெடில்; நெடிலினும் நெடியது கழிநெடில்.
எல்லாக் குணங்களிலும்
பொருள்கட்குள்ள முத்தரங் களையும் தமிழில் ஒழுங்காய்க் கூறவேண்டுமாயின், இரு வாய்
பாடுகளைக் கையாளலாம்; ஒன்று,
நல்லது, அதைவிட நல்லது, எல்லாவற்றிலும் நல்லது, என்பது;
இன்னொன்று,
நல்லது, மிகநல்லது, மிகமிக நல்லது, என்பது.
எ-டு: (1) புல்லாங்குழற்குக் கருங்காலி நல்லது; வெண்கலம் அதைவிட நல்லது; மூங்கில் எல்லாவற்றிலும் நல்லது.
கொக்கு வெளிது; பால் கொக்கைவிட வெளிது; பஞ்சு எல்லாவற்றிலும் வெளிது.
(2) புல்லாங்குழற்குக் கருங்காலி நல்லது; வெண்கலம் மிக
நல்லது; மூங்கில் மிகமிக நல்லது.
கொக்கு வெளிது; பால் மிக வெளிது; பஞ்சு மிக மிக வெளிது.
இவற்றுள் முன்முறை சிறந்தது. அதைவிட என்னும் உறழ் சொல்லுக்குப் பதிலாக, அதினும் என்பதையும் பயன்படுத்தலாம்.