* சைவ சித்தாந்த ஞான போதம்
243
மாளிகைகளும் பொடிபொடியாய் நொறுங்கிச் சாம்பலாய் வெந்து புழுதியாய்ப் பறந்து அழிந்து போவதை
எங்கண்ணெதிரே ஒரோவொரு காலங்களில் ஒரோவோர் இடங்களிற் காண்கின்றே மல்லேமோ? 'சான்பிரான் சிஸ்கோ' வென்னும் அமெரிக்காவிலுள்ள மாப்பெரு நகரமும், இத்தாலி தேயத்திலிருந்த மெசீனாப் பட்டினமுஞ் சிறிது காலத்திற்கு முன் சப்பான் தேயத்தில் 'டொக்கியோ' பட்டினமும் நில அதிர்ச்சியாலும் எரிமலை நெருப்பாலும் அடியோடழிந்து எரிந்து கரிந்த காலத்தில் அங்கங் கிருந்த மக்களெல்லாரும் பட்ட பெருந்துன்பத்தை அறியா தார் யார்? மக்கள் அவை தம்மைத் தடுக்கவல்ல ஆற்றலுடைய ராயிருந்தால் அவ்வழிவுகள் நிகழாமல் தடை செய்திருக்க லாமன்றோ?
இங்ஙனம் இந்நிலவுலகத்தின் ஒரோவொரு பகுதிகளில் கழும் அழிவு நிகழ்ச்சிகளையே அவை நிகழாமல்தடை செய்யவும், அழிந்து நீரிலமிழ்ந்திப் போன நிலப்பகுதிகளை மீண்டும்மேற் கொணர்ந்து நிலை நிறுத்தவுஞ் சிறிதும் ஆற்றலில்லாத நம்மக்கள் இந்நிலவுலகத்தைத் தாமாகவே ஆக்கவும் அழிக்கவும் நிலை நிறுத்தவும் வல்லர் ஆவர் என்று உரைப்பதினும் புல்லியவுரை வேறுண்டோ சொல்லுமின்! தமதுடம்பு பழுதுபட்ட விடத்து அதனையே ஆக்கிக் கொள்ள மாட்டாத நம்மனோர் எண்ணிறந்த பிறவுயிர் களுக்கு எண்ணிறந்த உடம்புகளைப் படைத்துக் கொடுக்க வல்லராதலும் அவ்வுடம்புகளொடு கூடியிருந்து இவ்வுலகத்து இன்பங்களை அவைநுகருமாறு பல்வேறு பண்டங்களை யமைத்துவைக்க வல்லராதலும் அவ்வுடம்பு களும் அப் பண்டங்களும் இருத்தற்கு இம் மாப்பெருநில வுலகத்தைப் படைக்க வல்லராதலும் யாங்ஙனங் கூடும்? பாருங்கள்! இந்நிலவுலகத்தளவிலேயே ஆற்றல் மிகக் குறைந்தவராய் நிலையின்றி உயிர்வாழும் நம்மனோர், இந்நிலவுலகத்துக்கும் எட்டா நெடும் பெருந் தொலைவிலே இடைவெளியிற் சுழன்று செல்லும் பகலவன் மண்டிலம், திங்கள் மண்டிலம், செவ்வாய் மண்டிலம், புதன் மண்டிலம், வியாழன் மண்டிலம், வெள்ளி மண்டிலம், சனி மண்டிலம் முதலான வவ்வேறு பேருலகங்களையும் இவற்றிற்கும் நெடுந்
