மனதை நசுக்குமந்த
மடிந்த கற்களினூடே
சிந்தனைப் பிணங்கள்
சிரிப்பை உமிழ்கின்றன.
இவை சில உதாரணங்கள்.
இத்தகைய உருவகங்கள், (படிமங்கள்) கற்பனைகள் வகையரா கவிதை படிப்பவர்களுக்கு ஒரு வியப்பை, பிரமிப்பை ஏற்படுத்தக்கூடும். அதே வேளையில் புரியாக் குழப்பத்தையும் உண்டாக்கும்.
புதுக்கவிதை புரிவதில்லை; எளிதில் பொருள் விளங்குவதில்லை என்ற குறை கூறலும் குற்றச்சாட்டும் இப்பவும் இருந்து வருகின்றன. அதற்கு இத்தகைய படைப்புகள் வலுசேர்க்க உதவும்.
இவை பழங்காலச் சித்தர்களின் பாடல்களை ஞாபகப்படுத்துகின்றன என்றும் சொல்லாம். இந்த ரீதியில் எழுதப்படுகிற (உருவகங்கள்) படிமங்களில் புதுமை இருக்கிறது; இவை கவிதைக்குத் தனி அழகு சேர்க்கின்றன என்பதும் உண்மை தான். பொருள் பொதிந்த இத்தகைய வரிகள் கற்பனை வளத்துக்கும் தனித்த புதுமையான பார்வைக்கும் சான்றுகள் ஆகின்றன எனவும் குறிப்பிடலாம்.
சூரியக் கிழவனின்
நரைத்த முடிகள்
கூரையின் இடுக்கில் நுழைகின்றன’
