நன்னூல் எழுத்ததிகாரம்

பவணந்தி முனிவர்

==நன்னூல் எழுத்ததிகாரம் 1. எழுத்தியல்

1. எழுத்தியல்

நூற்பா: 56

(அருகக் கடவுள் வணக்கம்)

பூமலி யசோகின் புனைநிழ லமர்ந்த

நான்முகற் றொழுதுநன் கியம்புவ னெழுத்தே. (01)

நூற்பா: 57

(எழுத்திலக்கணத்தின் 12 பகுதிகள்)

எண்பெயர் முறைபிறப் புருவ மாத்திரை

முதலீ றிடைநிலை போலி யென்றா

பதம்புணர் பெனப்பன் னிருபாற் றதுவே. (02)

1. எண்

நூற்பா: 58

(எழுத்தும் அதன்வகையும்)

மொழிமுதற் காரண மாமணுத் திரளொலி

எழுத்தது முதல்சார் பெனவிரு வகைத்தே. (03)

நூற்பா: 59

(முதலெழுத்து)

உயிரு முடம்புமா முப்பது முதலே. (04)

நூற்பா: 60

(சார்பெழுத்து)

உயிர்மெய் யாய்த முயிரள பொற்றள

பஃகிய இஉ ஐஒள மஃகான்

தனிநிலை பத்துஞ் சார்பெழுத் தாகும். (05)

நூற்பா: 61

(சார்பெழுத்தின் விரி)

உயிர்மெய் யிரட்டுநூற் றெட்டுய ராய்தம்

எட்டுயி ரளபெழு மூன்றொற் றளபெடை8

ஆறே ழஃகு மிம்முப் பானேழ்

உகர மாறா றைகான் மூன்றே

ஒளகா னொன்றே மஃகான் மூன்றே

ஆய்த மிரண்டொடு சார்பெழுத் துறுவிரி

ஒன்றொழி முந்நூற் றெழுபா னென்ப. (06)

2. பெயர்

நூற்பா: 62

(பெயரின் பொதுஇலக்கணம்)

இடுகுறி காரணப் பெயர்பொதுச் சிறப்பின. (07)

நூற்பா: 63

(எழுத்தின்பெயர்)

அம்முத லீரா றாவி கம்முதன்

மெய்ம்மூ வாறென விளம்பினர் புலவர். (08)

நூற்பா: 64

(குறில்)

அவற்றுள்,

அஇ உஎ ஒக்குறி லைந்தே. (09)

நூற்பா: 65

(நெடில்)

ஆஈ ஊஏஐ ஓஒள நெடில். (10)

நூற்பா: 66

(சுட்டு)

அஇ உம்முதற் றனிவரிற் சுட்டே. (11)

நூற்பா: 67

(வினா)

எயா முதலும் ஆஓ வீற்றும்

ஏயிரு வழியும் வினாவா கும்மே. (12)

நூற்பா: 68

(வல்லினம்)

வல்லினங் கசட தபறவென வாறே. (13)

நூற்பா: 69

(மெல்லினம்)

மெல்லினம் ஙஞண நமன வெனவாறே. (14)

நூற்பா: 70

(இடையினம்)

இடையினம் யரல வழள வெனவாறே. (15)

நூற்பா: 71

(இனவெழுத்து)

ஐஒள இஉச் செறிய முதலெழுத்

திவ்விரண் டோரின மாய்வரன் முறையே. (16)

நூற்பா: 72

(இனம் என்றதற்குக் காரணம்)

தான முயற்சி யளவு பொருள்வடி

வானவொன் றாதியோர் புடையொப் பினமே. (17)

3. முறை

நூற்பா: 73

(எழுத்துகளின் வரிசைமுறை)

சிறப்பினுமினத்தினுஞ் செறிந்தீ்ண்டம்முதல்

நடத்த றானே முறையா கும்மே. (18)

4. பிறப்பு

நூற்பா: 74

(பிறப்பின் பொதுவிதி)

நிறையுயிர் முயற்சியி னுள்வளி துரப்ப

எழுமணுத் திரளுரங் கண்ட முச்சி

மூக்குற் றிதழ்நாப் பல்லணத் தொழிலின்

வெவ்வே றெழுத்தொலி யாய்வரல் பிறப்பே. (19)

நூற்பா: 75

(முதலெழுத்தின் பிறப்பு- இடம்)

அவ்வழி,

ஆவி யிடைமை யிடமிட றாகும்

மேவு மென்மைமூக் குரம்பெறும் வன்மை. (20)

8

நூற்பா: 76

(முதலெழுத்தின் பிறப்பு-முயற்சி)

அவற்றுள்,

முயற்சியுள் அஆ வங்காப் புடைய. (21)

நூற்பா: 77

இஈ எஏ ஐயங் காப்போ

டண்பன் முதனா விளிம்புற வருமே. (22)

நூற்பா: 78

உஊ ஒஓ ஒளவிதழ் குவிவே. (23)

நூற்பா: 79

கஙவுஞ் சஞவும் டணவும் முதலிடை

நுனிநா வண்ண முறமுறை வருமே. (24)

நூற்பா: 80

அண்பல் லடிநா முடியுறத் தநவரும். (25)

நூற்பா: 81

மீகீ ழிதழுறப் பம்மப் பிறக்கும். (26)

நூற்பா: 82

அடிநா வடியண முறயத் தோன்றும். (27)

நூற்பா: 83

அண்ண நுனிநா வருட ரழவரும். (28)

நூற்பா: 84

அண்பன் முதலு மண்ணமு முறையின்

நாவிளிம்பு வீங்கி யொற்றவும் வருடவும்

லகார ளகாரமா யிரண்டும் பிறக்கும். (29)

நூற்பா: 85

மேற்பல் லிதழுற மேவிடும் வவ்வே. (30)

நூற்பா: 86

அண்ண நுனிநா நனியுறிற் றனவரும். (31)

நூற்பா: 87

(சார்பெழுத்துப் பிறப்பு- இடம், முயற்சி)

ஆய்தக் கிடந்தலை யங்கா முயற்சி

சார்பெழுத் தேனவுந் தம்முத லனைய. (32)

நூற்பா: 88

(பிறப்புக்குப் புறனடை)

எடுத்தல் படுத்த னலித லுழப்பில்

திரிபுந் தத்தமிற் சிறிதுள வாகும். (33)

நூற்பா: 89

(உயிர்மெய்)

புள்ளிவிட் டவ்வொடு முன்னுரு வாகியும்

ஏனை யுயிரோ டுருவு திரிந்தும்

உயிரள வாயதன் வடிவொழித் திருவயிற்

பெயரொடு மொற்றுமுன் னாய்வரு முயிர்மெய். (34)

நூற்பா: 90

(முற்றாய்தம்)

குறியதன் முன்ன ராய்தப் புள்ளி

உயிரொடு புணர்ந்தவல் லாறன் மிசைத்தே. (35)

நூற்பா: 91

(உயிரளபெடை)

இசைகெடின் மொழிமுத லிடைகடை நிலைநெடில்

அளபெழு மவற்றவற் றினக்குறில் குறியே. (36)

நூற்பா: 92

(ஒற்றளபெடை)

ஙஞண நமன வயலள வாய்தம்

அளபாங் குறிலிணை குறிற்கீ ழிடைகடை

மிகலே யவற்றின் குறியாம் வேறே. (37)

நூற்பா: 93

(குற்றியலிகரம்)

யகரம் வரக்குற ளுத்திரி யிகரமும்

அசைச்சொன் மியாவி னிகரமுங் குறிய. (38)

நூற்பா: 94

(குற்றியலுகரம்)

நெடிலோ டாய்த முயிர்வலி மெலியிடைத்

தொடர்மொழி யிறுதி வன்மை யூருகரம்

அஃகும் பிறமேற் றொடரவும் பெறுமே. (39)

நூற்பா: 95

(ஐகார, ஒளகாரக் குறுக்கங்கள்)

தற்சுட் டளபொழி யைம்மூ வழியும்

நையு மௌவு முதலற் றாகும். (40)

நூற்பா: 96

(மகரக்குறுக்கம்)

ணனமுன்னும் வஃகான் மிசையுமக் குறுகும். (41)

நூற்பா: 97

(ஆய்தக்குறுக்கம்)

லளவீற் றியைபினா மாய்த மஃகும். (42)

5. உருவம்

நூற்பா: 98

தொல்லை வடிவின வெல்லா வெழுத்துமாண்

டெய்து மெகர வொகரமெய் புள்ளி. (43)

6. மாத்திரை

நூற்பா: 99

(எழுத்துக்களின் மாத்திரை)

மூன்றுயி ரளபிரண் டாநெடி லொன்றே

குறிலோ டையௌக் குறுக்க மொற்றள

பரையொற் றிஉக் குறுக்க மாய்தங்

கால்குறண் மஃகா னாய்த மாத்திரை. (44)

நூற்பா: 100

(மாத்திரை என்றால் என்ன)

இயல்பெழு மாந்த ரிமைநொடி மாத்திரை. (45)

நூற்பா: 101

(மாத்திரைக்குப் புறனடை)

ஆவியு மொற்று மளவிறந்திசைத்துலும்

மேவு மிசைவிளி பண்டமாற் றாதியின். (46)

7. முதனிலை

நூற்பா: 102

(மொழிக்கு முதலில் வரும் எழுத்துக்கள்)

பன்னீ ருயிருங் கசதந பமவய

ஞஙவீ ரைந்துயிர் மெய்யு மொழிமுதல். (47)

நூற்பா: 103

(வகரம்)

உஊ ஒஓ வலவொடு வம்முதல். (48)

நூற்பா: 104

(யகரம்)

அஆ உஊ ஓஒள யம்முதல். (49)

நூற்பா: 105

(ஞகரம்)

அஆ எஒவ்வோ டாகு ஞம்முதல். (50)

நூற்பா: 106

(ஙகரம்)

சுட்டியா வெகர வினாவழி யவ்வை

யொட்டி ஙவ்வு முதலா கும்மே. (51).

8. இறுதிநிலை

நூற்பா: 107

(மொழிக்கு இறுதியில் வரும் எழுத்துக்கள்)

ஆவி ஞணநமன யரலவ ழளமெய்

சாயு முகரநா லாறு மீறே. (52)

நூற்பா: 108

(சிறப்பு விதி)

குற்றுயி ரளபி னீறா மெகர

மெய்யொ டேலாதொந் நவ்வொ டாமௌக்

ககர வகரமோ டாகு மென்ப. (53)

நூற்பா: 109

(எழுத்தின் முதலும் ஈறும்)

நின்ற நெறியேயுயிர் மெய்முத லீறே. (54)

9. இடைநிலை

நூற்பா: 110

(உடனிலை மெய்ம்மயக்கம், வேற்றுநிலை மெய்ம்மயக்கம்)

கசதப வொழித்த வீரேழன் கூட்டம்

மெய்ம்மயக் குடனிலை ரழவொழித் தீரேட்

டாகுமிவ்விருபான் மயக்கு மொழியிடை

மேவு முயிர்மெய் மயக்கள வின்றே (55)

நூற்பா: 111

(வேற்றுநிலைமெய்ம்மயக்கம்-சிறப்புவிதிகள்)

ஙம்முன் கவ்வாம் வம்முன் யவ்வே. (56)

நூற்பா: 112

ஞநமுன் றம்மினம் யகரமொ டாகும் (57)

நூற்பா: 113

டறமுன் கசப மெய்யுடன் மயங்கும். (58)

நூற்பா: 114

ணனமுன் னினங்கச ஞபமய வவ்வரும். (59)

நூற்பா: 115

மம்முன் பயவ மயங்கு மென்ப. (60)

நூற்பா: 116

யரழ முன்னர் மொழிமுதன் மெய்வரும். (61)

நூற்பா: 117

லளமுன் கசப வயவொன் றும்மே. (62)

நூற்பா: 118

'(உடனிலை மெய்ம்மயக்கம்- சிறப்புவிதி)

ரழ வல்லன தம்முற் றாமுட னிலையும். (63)

நூற்பா: 119

யரழவொற் றின்முன் கசதப ஙஞநம

ஈரொற்றாம்ரழத் தனிக்குறி லணையா. (64)

நூற்பா: 120

லளமெய் திரிந்த ணனமுன் மகாரம்

நைந்தீ ரொற்றாஞ் செய்யு ளுள்ளே. (65)

நூற்பா: 121

தம்பெயர் மொழியின் முதலு மயக்கமும்

இம்முறை மாறி யியலு மென்ப. (66)

10. போலி

நூற்பா: 122

(மொழியிறுதிப் போலி)

மகர விறுதி அஃறிணைப் பெயரின்

னகரமோ டுறழா நடப்பன வுளவே. (67)

நூற்பா: 123

(மொழிமுதற்போலி, மொழியிடைப்போலி)

அஐ முதலிடை யொக்குஞ் சஞயமுன். (68)

நூற்பா: 124

(மொழியிடைப்போலி

ஐகான் யவ்வழி நவ்வொடு சில்வழி

ஞஃகா னுறழு மென்மரு முளரே. (69)

நூற்பா: 125

(சந்தியக்கரம்

அம்மு னிகரம் யகர மென்றிவை

யெய்தி னையொத் திசைக்கு மவ்வோ

டுவ்வும் வவ்வு மௌவோ ரன்ன. (70)

நூற்பா: 126

(எழுத்தின் சாரியைகள்)

மெய்க ளகரமு நெட்டுயிர் காரமும்

ஐயௌக் கானு மிருமைக் குறிலிவ்

விரண்டொடு கரமுமாஞ் சாரியை பெறும்பிற. (71)

நூற்பா: 127

(இவ்வியலின் புறனடை நூற்பா)

மொழியாய்த் தொடரினு முன்னனைத் தெழுத்தே. (72)

எழுத்ததிகாரம் எழுத்தியல் முற்றிற்று

பார்க்க:

நன்னூல் மூலம்

நன்னூல் பாயிரவிய

ல்

நன்னூல் எழுத்ததிகாரம் 1. எழுத்தியல்

நன்னூல் எழுத்ததிகாரம் 2. பதவியல்

நன்னூல் எழுத்ததிகாரம் 3. உயிரீற்றுப்புணரியல்

நன்னூல் எழுத்ததிகாரம் 4. மெய்யீற்றுப்புணரியல்

நன்னூல் எழுத்ததிகாரம் 5. உருபுபுணரியல்

[[]] :[[]]:[[]]:[[]]:[[]] :[[]]