xiii
மொழியில் தான் எழுதினார். ஆயினும், ‘ஆர்மேனிய ஆன்மாவின் இசையையும் தேடல்களையும்’ அவர் உண்மையாகப் பதிவு செய்தார். முப்பது வருஷங்களுக்கு முன்பிருந்தே அவருடைய படைப்புகள் இந்திய மொழிகளில் மொழிபெயர்க்கப்பட்டு வந்திருக்கின்றன. சென்னையில் மிக அதிகமாகப் பேச்சு வழக்கில் இருக்கிற மொழியான தமிழிலும் அவை மொழிபெயர்க்கப் பட்டிருக்கின்றன.
“நாம் எந்த நேரத்திலும் எந்த இடத்திலும் ஒரு ஆர்மேனியனை இனம் காணமுடியும்” என்று ஸரோயன் ஒரு சமயம் சொன்னார்.
“எப்படி?” என்று யாரோ கேட்டார்கள்.
“கண்களைப் பார்த்து... ஆர்மேனியக் கண்கள் வருத்தமாய், துயரம் நிறைந்து இருக்கும்.”
ஸரோயன் 1976-ல் ஆர்மேனியா சென்றார். அப்போது அவர் சொன்னார்:
“இப்போது இதுதான் எனக்கு முக்கியமாகப்படுகிறது. ஆர்மேனியர் கண்களில் வருத்தமும் துயரமும் குறைந்திருக்கின்றன. நான் எங்கே போனாலும். ஆரோக்கியமான, வலிமையும் சந்தோஷமும் கொண்ட ஜனங்களையே பார்க்கிறேன். இது அற்புதமானது...”
| சென்னை 31 ஆகஸ்ட் 1979 |
அசோகமித்திரன் | |||||
