இப்பக்கம் மெய்ப்பு பார்க்கப்பட்டுள்ளது
40
குழந்தைச் செல்வம்
அன்றியும் உன் தம்பி மாரும் கடும்பசி
ஆறிக் களித்திருப்பார்கள் அன்றோ?
இன்றினிச் செய்வதென்? இவ்வுலகம் விட்டு
யாத்திரை போவது திண்ணம்' என்றார்.
11
ஆனதனாலே கிடைத்த பொருளை - நாம்
ஆகும் மட்டும்பகுத் துண்ணவேண்டும்;
ஈனமாந் தன்னயத் தால்வருந் துன்பமே;
இன்பம் அளிக்கும் பொதுநயமே.
12
அளவு கடந்திடில் ஆரமுதும் - விஷம்
ஆகும் என்று நம தான்றோர்கள்
உளபடியே சொன்ன வாக்கியத் துண்மையை
உள்ளத்திற் கொள்ளுங்கள், தோழர்களே!
13
36. ஔவையும் இடைச்சிறுவனும்
வேனிற் பருவத்திலே - ஒருநாள்
வெய்யில் வேளையிலே,
ஞானத் தமிழ்க்கடலென் - றிந்த
நாடு புகழும் ஒளவை,
1
தூரம் மிகநடந்து - களைத்துச்
சோர்ந்து, வரும் வழியின்
ஓரத்தில் ஓர்நாவல் - நிழலில்
ஒதுங்கிச் சற்றுநின்றாள்.
2
