கலைக்களஞ்சியம்/ஆன்டில்லீஸ்

ஆன்டில்லீஸ் (Antilles) மேற்கிந்தியத் தீவுகளின் மற்றொரு பெயர். இவற்றில் கியூபா, ஜமெய்க்கா, ஹைட்டி, போர்ட்டோ ரீக்கோ என்பவை சேர்ந்து பெரிய ஆன்டில்லீஸ் என்றும், போர்ட்டோ ரீக்கோவிலிருந்து தென் அமெரிக்காவரை நீண்டிருக்கும் தீவுக் கூட்டம் சிறிய ஆன்டில்லீஸ் என்றும் பெயர் பெறும். மார்ட்டினிக், டிரினிடாடு, பார்படோஸ், வர்ஜின் தீவுகள் முதலியவை இதன்கண் உள்ளன. பகாமா தீவுகளை ஆன்டில்லீஸின் பகுதியாகக் கருதுவதில்லை.