குர்ஆன்/புறங்கூறல்
< குர்ஆன்
அளவற்ற அருளாளனும் நிகரற்ற அன்புடையோனுமாகிய அல்லாஹ்வின் திருப்பெயரால் துவங்குகிறேன்
- குறை சொல்லிப் புறம் பேசித் திரியும் ஒவ்வொருவனுக்கும் கேடுதான்.
- (அத்தகையவன் செல்வமே சாசுவதமென எண்ணிப்) பொருளைச் சேகரித்து எண்ணிக் கொண்டே இருக்கின்றான்.
- நிச்சயமாகத், தன் பொருள் தன்னை (உலகில் நித்தியனாக) என்றும் நிலைத்திருக்கச் செய்யுமென்று அவன் எண்ணுகிறான்.
- அப்படியல்ல, நிச்சயமாக அவன் ஹுதமாவில் எறியப்படுவான்.
- ஹுதமா என்ன என்பதை உமக்கு அறிவித்தது எது?
- அது எரிந்து கொண்டிருக்கும் அல்லாஹ்வின் நெருப்பாகும்.
- அது (உடலில் பட்டதும்) இருதயங்களில் பாயும்.
- நிச்சயமாக அது அவர்களைச் சூழ்ந்து மூட்டப்படும்.
- நீண்ட கம்பங்களில் (அவர்கள் கட்டப்பட்டவர்களாக).