●
ஆதியே துணை

பிரம்மோதய மெய்வழிச்சாலை ஆண்டவர்களின் திருவோங்கும் புகழ் போற்றும்

திவ்வியப் பிரபந்த மணிமாலைகள் 108

இயற்றியவர்: அருட்பாவலர் மெய்வழி இளம்கலைக்கோட்டு அனந்தர் எம்.ஏ.பி.எட்

முகப்பு⁠|⁠பாட்டுடைத் தலைவர்⁠|⁠வாழ்த்துரைகள்⁠|⁠அன்புநிறை முன்னுரை

108 வகை சிற்றிலக்கியங்கள்

001.திரு அங்கமாலை

002.திரு அட்டகம்

003.திரு அட்ட மங்கலம்

✸004.ஆன்மராக மாலை

005.திரு அம்மானை

✸006.ஞானப் பேரரசர் திருவிருத்தம்

007.அண்ணல் அலங்கார பஞ்சகம்

008.திருவருட்சாலை ஆற்றுப்படை

009.திருஇணைமணிமாலை

010.அருள் இயன்மொழி வாழ்த்து

011.திரு இரட்டைமணி மாலை

012.அருள் இருபா இருபஃது

013.திரு உந்தியார்

014.திரு உலா

015.திரு உலா மடல்

✸016.மெய்ப்பயிர் உழத்திப் பாட்டு

✸017.கலியை வெல் உழிஞை மாலை

✸018.அருள் உற்பவ மாலை

019.திருப்பொன்னூஞ்சல்

020.திருவூர் இன்னிசை வெண்பா

021.திருவூர் நேரிசை வெண்பா

022.திருவூர் வெண்பா

023.அருள் எண் செய்யுள்

024.திருஎழுகூற்றிருக்கை

025.மெய்யூர் ஐந்திணைச் செய்யுள்

026.திரு ஒருபா ஒருபஃது

027.திரு ஒலியந்தாதி

✸028.நற்கடிகை வெண்பா

✸029.வான் கடைநிலை

✸030.திருக்கண்படை நிலை

031.சாலைக் கலம்பகம்

✸032.நன்காஞ்சி மாலை

033.தெய்வ காப்பியம்

034.திருக் காப்பு மாலை

035.பூவடிப் போற்றிகள்

036.விண்பாங்கரசர் தென்பாங்கு

037.ஞானக் குழமகன்

038.ஊறல்மலைக் குறமங்கை

039.எழில் மணிமுடி திருமலரடி வண்ணம்

047.செய்ந்நன்றி சாற்று

048.திருச் செவியறிவுறூஉ

049.திருத்தசாங்கம்

✸050.திருத்தசாங்கத்தயல்

051.அருள் தண்டக மாலை

052.அறம் வேண்டகம்

✸053.ஒளிர் தாரகை மாலை

✸054.அருட்சேனை மாலை

055.திருக்கண்ணெழில்

056.தெய்வத் திருவருளெம்பாவை

✸057.அறப்போர் மாலை

058.அறிதுயிலெடை நிலை

059.அன்பு விடு தூது

060.நற்றொகைச் செய்யுள்

✸061.அருள் நயனப் பத்து

066.வான்மதியரசர் நான்மணி மாலை

067.அருள் நூற்றந்தாதி

✸068.நறு நொச்சி மாலை

069.பொன்னரங்கர் பண்ணலங்காரம்

070.தெய்வமணிப் பதிகம்

071.அருட் பதிற்றந்தாதி

✸072.அமுத பயோதரப் பத்து

073.யுக உதயப் பரணி

074.நல் சந்த மாலை

✸075.திரு பவனிக் காதல்

076.சாலையூர்ப் பள்ளு

077.நன்மதியரசர் பன்மணிமாலை

078.குரு திருவடி எழில் மணிமுடி

079.அருள்ஞானப் பிள்ளைத் தமிழ்

080.மெய்ப்புகழ்ச்சி மாலை

✸081.திருப் புறநிலை

✸082.அருள் புறநிலை வாழ்த்து

083.திருப்பெயர் இன்னிசை வெண்பா

084.திருப்பெயர் நேரிசை வெண்பா

085.தவத்ததிகாரம்

✸086.அருட்பெருமகிழ்ச்சி மாலை

✸087.திருப்பெருமங்கலம்

✸088.அறப்போர்க்கெழுவஞ்சி

089.நித்திய மங்கல வள்ளை

090.திருமடல்

091.மெய்ப்பொருள் மணிமாலை

092.மெய் முதுகாஞ்சி

093.இறைதிரு மும்மணிக் கோவை

094.அருள் மும்மணி மாலை

095.தவ மெய்க் கீர்த்தி

✸096.நல் வசந்த மாலை

✸097.திருவரலாற்று வஞ்சி

098.மறலியை வெல் வருக்கக் கோவை

099.உயர் வருக்க மாலை

✸100.கலியை வெல் வாகை மாலை

✸101.அருள் வாதோரண மஞ்சரி

102.திருவாயுறை வாழ்த்து

103.திரு விருத்தம்

✸104.ஞான விளக்கு நிலை

✸105.வீர வெட்சி மாலை

✸106.வெற்றிக் கரந்தை மஞ்சரி

107.வெற்றி மணி மாலை

✸108.இதயம் நெகிழ் மாலை

✸ தமிழ் இலக்கிய வரலாற்றில் முதல் முறையாக, 96 வகை சிற்றிலக்கியங்களுள், இலக்கணம் மட்டுமே உள்ள 32 வகைகளுக்கு பாடப்பெற்ற புதிய சிற்றிலக்கியங்கள்.

←090.திருமடல்

092.மெய் முதுகாஞ்சி→

91.மணிமாலை[தொகு]

இலக்கணம்:-

தன்னை ஆண்டு கொண்ட குருபரரைப் போற்றி இருவகைப் பாவினங்களால் (வெண்பா, கலித்துறை) பாடிப்பரவுவது மணிமாலை என்னும் இவ்விலக்கிய வகையாகும்.

மணிமாலை வெண்பா வகைநா லைந்துடன்
இணையாய்க் கலித்துறை இரட்டைப் பாடலே
- தொன்நூல் விளக்கம்  - 279

எப்பொருண் மேலும் வெண்பா இருபதும்
கலித்துறை நாற்பதும் கலந்து வருவது
மணிமாலை யாகும் வழுத்துங் காலே
- முத்துவீரியம்  - 1056

சொல்லுமெப் பொருளின் மேலும்
தூய வெண் பாவிரு பஃதுநாற் பதுகலித்
துறை விரவின் மணிமாலையாம்.
- பிரபந்ததீபிகை  - 12

மணிமாலை தானே மன்னும் எப்பொருளினும்
வெண்பா இருபான் கலித்துறை நாற்பான்விரவிப்பாட விதித்தனர் புலவர்
- பிரபந்ததீபம்  - 30

மெய்ப்பொருள் வழங்கி உய்கதி தந்த எம்பெருமான் பிரம்மோதய மெய்வழிச் சாலை ஆண்டவர்களின் மாட்சியைப் போற்றும் வகையான் இயற்றப் பெற்றது இப்பனுவல்.

மெய்ப்பொருள் மணிமாலை

காப்பு

நேரிசை வெண்பா

அணிதிகழும் அண்ணல்தம் அம்புயத்தாள் போற்றி
மணிமொழியால் மாட்சிவிதந் தோத-மணிமாலை
பாடிப் பரவப் பதம்கொள் பொருள்வேண்டி
நாடிப் பணிந்தேன் நயந்து

நூல்

நேரிசை வெண்பா

ஆதியும் அந்தமுமாய் ஆனவரே! ஆண்டவரே!
நீதியாய் நின்மலராய் நின்றீரே - ஓதி
உணர்வால் உணரப் படுபொருளே மெய்ம்மை
மணஞான மாதவரே வாழி! ⁠(1)

கட்டளைக் கலித்துறை

பெறுதற் கரிய மானுட வாழ்வைப் பெறச்செய்தனை
உறுமெய்ப் பொருளே உவந்தென் உயிருள் கலந்துற்றனை
அறம்என் நினைவில் அகலாது காத்து வளர்வித்தனை
அறவாழி யேதரு ணம்பார்த்து ஏற்றது தான்விந்தையே! ⁠(2)

இல்லையே என்று உளந்தடு மாறிக் கலங்குறாதும்
எல்லையில் செல்வம் உடையேனென் றெண்ணித் திமிர்கொளாதும்
நல்லதே எல்லாம் நமக்குரித் தாயின நல்குமிறை
வல்லவர் தாங்களே என்றெண்ணம் அன்றே வளர்த்தனையே! ⁠(3)

நேரிசை வெண்பா

இல்லையென் றீனர் இயம்புங்கால் ஏலாது
எல்லையில் வல்லார் உளரென்று - நல்லை
நினைத்தேடித் தேடி அலைந்துற்ற காலை
நினைக்காட்டிக் கொண்டீர் நயந்து ⁠(4)

கட்டளைக் கலித்துறை

கோடிபல் கோடியாம் மாந்தர் குவலயத் தேயலைந்தே
தேடினர் செல்வம் திரட்டினர் அஃதுகண் டேமயங்கி
வாடிடா துங்களைத் தேடும் நினைவினைத் தந்துங்களை
கூடிடக் கோமான் அருள்தந்த மாட்சிக்கு ஏதிணையே! ⁠(5)

புல்லர் மயக்கில் புழுக்குழி போய்த்தொலை யும்கொடிய
பொல்லாத காமப் புலைச்செயல் புக்கழி யாமலென்னை
நல்லாறு காட்டி நலநினை வொன்றே உளம்புகவே
எல்லாம்வல் லாயெனை யேதடுத் தாண்டதுதான் விந்தையே! ⁠(6)

நேரிசை வெண்பா

அழியும் பொருள்தேட்டத் தேநுழைந் தாழ்ந்து
அழியாமற் காத்து அளவாய்ப் - பழியிலா
நற்றொழில் ஈந்து நலமாய் வளர்வித்து
நற்றாளில் ஏற்றீர் நயந்து ⁠(7)

கட்டளைத் கலித்துறை

பொருளாசை யில்லை சுகபோக வாழ்வில் திளைத்திடுமோர்
இருளாசை இல்லை புகழில் மயங்கிக் கிடந்திடுமோர்
மருளாசை யில்லை மாதவத் தோங்கும் மணிமொழியாம்
அருளாசை கொண்டேன் அருளாலே ஏற்றீர்அருட்பதத்தே! ⁠(8)

கலையென்று சொல்லிச் சமூகமுன் தன்னை மிகைப்படுத்தும்
வலையுட் புகாமற் தடுத்தாண்டு கொண்ட வளவரசே!
தலைமைத் தனத்தே நிலையெனைச் செய்தாய்நல் லாய்ஓர்தனித்
தலைமைப் பெரும்பதி யேயுங்கள் பேர்தய வேவிந்தையே! ⁠(9)

நேரிசை வெண்பா

குறைவற்ற தேகம் கொடுத்தீர்கள் என்றும்
நிறைவுற்ற நெஞ்சும்நற் பண்பும் - இறைபற்றும்
தந்தென்னை ஆண்ட தனிமுதல் தங்களையே
தந்தீர்கள் என்னோ தயை! ⁠(10)

கட்டளைக் கலித்துறை

தெய்வீக நாட்டம் உடையவர் தாமே துணையாயினார்
பொய்ம்மொழி யாதும் புலைநுக ராத பெருந்தகையர்
செய்வழி நன்றே எனத்தெளி வார்ந்த திறனுடையோர்
மெய்வழி காட்டிநும் பொற்றாட்குக் காணிக்கை ஆக்கினரே! ⁠(11)

அண்ணல்நும் அங்கத்தில் ஏற்றிட வேண்டிட அன்புரைசெய்
பண்ணகர் அந்தப் பெருந்தகை காட்டிய மெய்நெறியில்
விண்ணவர் தங்கள் பதாம்புயம் தன்னில் சமர்ப்பித்தனர்
கண்ணகன் ஞாலத்தில் யான்பெற்ற பேறு கழறரிதே! ⁠(12)

நேரிசை வெண்பா

இப்பரிசு யார்க்கெங்கு கிட்டிடுமோ எம்பெருமான்
செப்பரிய பொன்மேனி தன்னினிலோர் - ஒப்பரிய
அங்கமாய் ஆகத் தகுதியுண்டோ பேதைக்கு
எங்கும்கிட் டாத பரிசு. ⁠(13)

கட்டளைக் கலித்துறை

பரிசெனக் கேதந்த பாண்டியர் தாங்கள் பெறற்கரிய
தரிசினை தந்துதம் அங்கத்தில் ஏற்ற தனிக்கருணை
பெரிதெனச் சிந்தை புளகித்து பூரித்து வையகத்தே
அரிதிற் பெருஞ்செல்வம் பெற்றேன்நன் றேஎன் அகம்மகிழ்ந்தே! ⁠(14)

நிறையான சந்தர்ப்பத் தேயிந்த தேகத்தை வெந்நெருப்பில்
உறவோர்கள் இட்டு விதியிதென் றேயுரைத் தேகலின்றி
மறைபோற்றும் வள்ளலே காஷாயம் தந்து தடுத்தாண்டனிர்
குறைவற்ற செல்வம் கிடைத்ததே என்னுட் குதூகலமே! ⁠(15)

நேரிசை வெண்பா

குருச்சேத்ரம் தன்னில் அருச்சுனர்க் கன்று
தருச்சேத்ரம் விஸ்வவமாம் காட்சி - பெரும்பேர்
அருட்ஜோதி கண்டேன் பெரும்பாக்யம் பெற்றேன்
குருபாதம் கொண்டேன் புகல் ⁠(16)

கட்டளைக் கலித்துறை

தாய்க்கரு வுற்றுப் பிறந்த பிறப்பதைத் தான்மாற்றியே
ஆய்மதிச் சிந்தையர் ஆண்டவர் தங்கள் அருள்மணிச்சூல்
தூய்மையுள் தாங்கிப் பிறப்பித்த மாட்சிக்கு ஈடுமுண்டோ!
தாய்மணியே ஆன்ற தயாநிதியே பேதை தஞ்சம்நிற்கே! ⁠(17)

சுயம்ப்ர காசமாய் நித்தியா னந்த பிரம்மமெனும்
அயன்பெருங் காட்சி அதுஜீவ சாட்சி அகம்மொளிரும்
நயம்பெரு மாட்சி நல்லசித் தர்முத்தர் யோகியர்கள்
வியந்துகண் டானந்த வெள்ளத்தில் ஆழ்விஸ்வ ரூபமிதே! ⁠(18)

நேரிசை வெண்பா

சதுர கிரியென்று சாற்றினீர் எந்தை
மதுரத் திருவாய் மலர்ந்து - இதம்கனிந்து
ஏழையேன் அங்கேக இன்பக்கட் டாணிமுத்துப்
பேழையொன் றீந்தீர் பரன். ⁠(19)

கட்டளைக் கலித்துறை

நானென் றகந்தைகொள் பேதையர் காணாத காட்சியிது
வான்பெரி தென்றே வணங்கிப்பூரித் தோர்க்கு மாட்சியிது
கோன்தய வுற்ற குருகுலத் தோர் ஜீவ சாட்சியது
தேன்மலர் செண்பக வாசர் எனையாண்டு ஆண்டனரே! ⁠(20)

பொதிகை மலைமேலே போய்க்காண் முனிவர் அகத்தியரை
மதிமிகுந் தாரவர் வாழிடம் ஜோதி விருட்சமென
இதமிகுந் தேயுரைத் தென்னுட் துலங்க இமயகிரி
விதிகடந் தாண்ட விமலர் பரிசு வழங்கினிரே ⁠(21)

நேரிசைவெண்பா

மேரு கிரித்தவம்செய் மேலோர்கள் வாழுமிடம்
சீரும் சிறப்படையச் சேருமிடம் - பாருலகில்
ஒன்றே உயிர்நிலைக்கும் மன்றே மனமடங்கிச்
சென்றேறும் குன்றளித் தீர். ⁠(22)

கட்டளைக் கலித்துறை

குகப்பெரு மான்வாழ் குகையிது ஆன்ற முனிவரெல்லாம்
தகவுடன் மெய்த்தவம் செய்திடும் சீரார் தலமிதுமெய்ச்
சுகமெனும் பேரின்பம் சொக்க உயிரொடுங் கும்இடம்காண்
மகவுநீ ஆழ்ந்திரு இங்ஙண் நிலைத்திரு என்றனையே! ⁠(23)

முப்புரி நூலொளிர் மேனியர் வேதியர் என்றறிவர்
செப்பரி தாகிய சீரது உன்னில் தரித்திருநீ
ஒப்பரி தாக ஒளிர்வதுகண்டு உயர்நிலைசென்(று)|r}}
அப்பதி தன்னில் அமர்ந்திரு என்றெனை ஆக்கினிரே! ⁠(24)

நேரிசை வெண்பா

பத்துவய தானகன்னி பார்பதியாள் பத்தினியாள்
உத்தமியாள் சத்தினியாள் வித்தகியாள் - முத்துமணி
மங்கையிவள் செங்கைவளை நங்கையிவள் துங்கமணி
பங்கயத்தாள் எங்களின்தாய் காண் ⁠(25)

கட்டளைக் கலித்துறை

ஆறு மதில்சூழ் அரண்மனை காணிது ஆலயமே!
கூறு குகப்பெரு மானுறை குன்றிவை ஆறெனுமே
மாறுபடாத மணியொளிர் மந்திர மாமலையே!
ஊறுப டாநிலை மேவிடச் சென்றங் குறைந்திருவே! ⁠(26)

ஜீவ பதியுமைச் சேர்பவர் வாழ்வர்கள் என்றென்றுமே
தேவர்கள் ஆவர்கள் மாவலர் சாவிலர் ஆகிடுவர்
பூவுல கில்எழில் பொன்னொளிர் மேனியர் பெருமானே!
கோவலர் நும்பத மேபணி வோருயிர்க் குய்விடமே ⁠(27)

நேரிசை வெண்பா

தச்சன் உளிபடாச் சக்கரமார் வாகனத்தில்
அச்சன் உலாவருங்காண் அம்புவியீர!- நச்சினர்க்(கு)|r}}
என்றும் இனியர் அருள்கற்ப கக்கனியர்
குன்றிலங்கும் கோமான்நீர் தான் ⁠(28)

கட்டளைக் கலித்துறை

பதியிது கண்டவர் விண்டிலர் விண்டவர் கண்டிலராம்
விதியது மாறிடம் கதிபர மேகிடும் வேதியர்தாள்
புதியவர் என்றும் புராதனர் ஆனவர் பூதலத்தே
மதிமணி வானவர் வைப்பினி லென்றும் மகிழ்ந்திருவே! ⁠(29)

ஆகாய கங்கை அதுபொங்கும் மானச சரோவரமே!
பூகயி லாயமாம் பொன்னரங் கப்பதி பேர்பெறுமே!
பாகார் மொழியினர் பண்ணகர் தாளில் பதிந்திடுமே!
போகாப் புனலினைச் சாகாத காலினைக் காட்டினிரே! ⁠(30)

நேரிசை வெண்பா

இறையாத தீர்த்தத் துறைசேர்ந்த பேர்கள்
மறைபடாத் தேவர்கள் மாற்றுக் - குறையாத
தங்கத் திருமேனி தான்வழங்கும் வான்வள்ளல்
துங்கத்தாள் சார்வோர் உ(ய்)யும் ⁠(31)

கட்டளைக் கலித்துறை

பேசாத மந்திரம் பெற்றவர் எற்றுவர் கூற்றினையே
கூசாது கங்கை குதித்தங்கண் நீந்திடில் கோதகலும்
நீசாமுன் சாகும் திறம்தரும் மாந்தர் மலைவறுமே
ஆசான்மெய்ச் சாலையர் ஆண்டவர் அம்புயத் தாள்சரணே ⁠(32)

வாடாத கற்பக வான்மலர் நன்மணம் தானுகர்வோர்க்(கு)|r}}
ஈடாக யாருறும் எம்பெரு மானந்தக் கற்பகமே
தேடாத செல்வம் திரள்நவ ரத்னக் குவையவரே!
மேடான ராஜகம் பீரத் திலங்கும் துரையவரே! ⁠(33)

நேரிசை வெண்பா

காட்டா தனவெல்லாம் காட்டினீர் உங்கள்தவப்
பாட்டால் கிடைத்த பரிசிதுவே - தேட்டில்
உயர்ந்த ஒருபொருளே உத்தமரே அன்பால்
இயைந்தோர்க்கு எல்லாம் தரும் ⁠(34)

கட்டளைக் கலித்துறை

முப்பொருள் தத்தம்செய் தோர்க்கே முகிழ்த்திடு மெய்ப்பொருளே
எப்பொரு ளும்ஈயா ஏழைக்கும் இஃதுமே எய்தியதே!
செப்பரும் நற்றவத் தென்னன் பெருந்துறைச் சாலையிறை
ஒப்பரும் நற்றய வாலிது வாய்த்தது ஓர்மின்களே! ⁠(35)

தூரிகை தொட்டெழு தாதவண் ணம்மிளிர் ஓவியமே
ஆரிய ரே!என தாருயி ரே!கலைக் காவியமே!
நேரியர் நெஞ்சிலென் றென்றும் நிலை நேமியரே
பாரினில் எந்தமை காத்திட வந்த பராபாரே! ⁠(36)

நேரிசை வெண்பா

நெஞ்சமெல் லாம்நிறைந் தின்பம் கொழித்திலங்கும்
செஞ்சொற் கனியுதவும் தேவதரு - துஞ்சா
வரமருளும் வாரிதியே! மாமேரே! மென்தாள்
சிரமணிந்தேன் தேவே சரண். ⁠(37)

கட்டளைக் கலித்துறை

எட்டாத மேனிலைக் கேற்றிடும் எங்கள் தயாநிதியே!
கிட்டாத செல்வக் குவைதந்த வள்ளலே கோமகவே!
மட்டிலா இன்பமே வான்மலர் வாசமே மாமதியே!
கட்டாணி முத்தே! கனவயிர மாமலைக் கற்பகமே! ⁠(38)

இனியில்லை துன்பம் எனக்கென்றும் இன்பம் அருள்நிதியே!
கனிதந்து ஞானம் கதிதந்த வானக் கலாநிதியே!
தனிநின்று எல்லாம் தருதேவ தாரு தயாநிதியே!
இனியுங்கள் பாதம் மறவாத வண்ணம் சிரம்உறையே! ⁠(39)

நேரிசை வெண்பா

ஆண்டவரே! பொன்னார் அருட்தாள் பணிந்தவர்க்கு
வேண்டுவரம் ஈயும் விமலரே! - ஈண்டு
இறவா வரமருள்க எக்காலும் நும்தாள்
மறவாத் திறமருள் மன்னோ! ⁠(40)

கட்டளைக் கலித்துறை

அடைக்கலம் காவற் பாடது தேடும் அடியவர்க்குப்
படைக்கலம் கொண்டெமன் பாய்ந்திடான் எங்கள் பரந்தாமரே!
விடைக்குலம் கொண்டினி மெய்ம்மறை யாவும் விளக்கியிங்ஙன்
கிடைத்தற் கரியமெய்ந் ஞானக் கனியினைக் கைதருமே! ⁠(41)

ஊணும் உறக்கமும் அற்றவர் எம்மான் ஒருதனிமெய்
வானோர் இறப்பும் பிறப்புமில் முன்பின் இலாமுதல்வர்
தேனார் மொழியமு தூட்டியே ரட்சித்துக் காத்தருள்வீர்!
கானகம் உத்யோ வனச்சோலை வீற்றுள கற்பகமே! ⁠(42)

நேரிசை வெண்பா

அறிந்தும் அறியாமற் செய்பாவங் கள்தாம்
சிறிதும் பெரிதும் பலவாம் - குறித்து
வருந்தி மனங்கலங்கி வேண்டுகின்றேன் தேவே!
பெருந்தகையான் மன்னிப்பீர் இன்று. ⁠(43)

கட்டளைக் கலித்துறை

மனம்மொழி மெய்யால் மயங்கியாம் செய்தபா வங்களெண்ணி
தினம்நெகிழ்ந் தேயுரு கிப்பணி கின்றனன் தேவேசரே!
கனமுயர் காருண்யர் மன்னித்துக் காத்தருள் செய்குமின்னே
அனல்நர கேகிடா(து) ஆதரிப்பீர் மெய்யெம் ஆண்டவரே! ⁠(44)

தண்டனை எண்ணித் தடுமாறு கின்றேன் தயாநிதியே!
எண்டிசை கண்டறி யாதநும் தாளில் இறைஞ்சிநின்றேன்
வண்டக் கலியெமன் வாட்டி நரகுற வையாமலே
பண்டைப் புராதனப் பாண்டியர் காப்பீர் பரந்தாமரே! ⁠(45)

நேரிசை வெண்பா

எண்ணிலாப் பாவம் இழைத்தேம் எரிதீய்த்த
புண்ணிலே வேல்நுழையும் வாதையென - மண்ணிலே
துன்பம் சுமந்தலுத்தோம் தோன்றலரே! ஆண்டவரே!
இன்ப நெறியருளு வீர் ⁠(46)

கட்டளைக் கலித்துறை

கோடா நெறிதந்து கோதகற் றும்திருக் கோமதியே!
வாடாத சீமான் கொழித்திடும் வேதாந்த மும்மணியே!
தேடரும் பாவ விமோசன மந்திரம் ஓதுகின்றோம்
நீடாழி சூழ்புவி யில்வந்த தெய்வமே ஏற்றருளே! ⁠(47)

பாவம் கணக்கின்றிச் செய்துளோம் பொன்னரங் கத்தெய்வமே!
பாவம் இனிச்செய்வ தில்லை உறுதி பராபரரே!
பாவ விமோசனக் கோட்டைக்குள் வந்துளோம் பாண்டியரே!
பாவத்தை மன்னித்துக் காத்தருள் செய்மின்கள் ஆண்டவரே! ⁠(48)

நேரிசை வெண்பா

பரகதி எண்ணாது செய்பாவத் திற்காய்
நரகது காத்துள தந்தோ - பரமேசா
மன்னிப்புத் தந்தருள்வீர் மாதவரே! ஆண்டவரே!
நின்பொற் பதமே கதி ⁠(49)

கட்டளைக் கலித்துறை

பிரிவற் றிருக்கும்வே தாம்பரர் தங்கள் பெருந்தயவால்
பரிவுற்று மன்னித்துப் பேரருள் ஐஸ்வர்யம் பாலித்தருள்
தெரிசினை தந்து இருவினை தீர்த்தருள் தேசிகேந்த்ரா
பிரிவற்று நின்தாள் படிந்திட வேண்டுதும் ஆண்டவரே! ⁠(50)

அநித்திய யாக்கைக் குடிலையை யாம்விடு காலத்திலே
இனிக்கதி ஜீவமெய்த் தேகத்தில் போய்ப்புக ஏற்றருள்வீர்
தனித்தெமைத் தாட்டி நரகுற எமன்வருங் காலையிலே
தனிப்பெருங் காருண்யம் காட்டும்தயாநிதி ஆண்டவரே! ⁠(51)

நேரிசை வெண்பா

காலன் கணவாய் கடூரகோ ரஎல்லை
ஏலென் றெனையிழுத்துப் போங்காலை - சீலங்கொள்
தெய்வமே ரட்சித்துச் சிந்தை கலங்காமல்
மெய்யாகக் காத்தருளு வீர் ⁠(52)

கட்டளைக் கலித்துறை

திருப்பா லிப்பாம் திருவருள் எம்பால் திரும்பவருள்
அருட்பேர் நிதியே அடியனேன் கண்கலங் காமலருள்
நெருப்பா றதுவும் மயிர்ப்பா லம்கடந் தேசெல்லுதும்
குருப்பேர் அருளாளர் கூட்டத்துள் என்னையும் கூட்டிக்கொளே! ⁠(53)

ஆர்ப்பரிக் கேமன் கொடுமை அகற்றி அருள்நயந்து
தீர்ப்புமை தான அமளியில் நின்றும் சிறிய னெனை
கார்ப்பது தங்கள் கடன்தயை சாமி கலங்குகின்றேன்
சீர்ப்பெருஞ் சீமான்கள் தம்முடன் என்னையும் சேர்த்துக்கொண்மே! ⁠(54)

நேரிசை வெண்பா

மின்னல்போல் மேலோர்கள் வெந்தணல் பேராறு
தன்னைக் கடந்திடும் தாட்டிமையில் - என்னையுமே
அன்னவா றேக அருள்புரிமின் ஆண்டவரே!
பொன்னரங்கா! பொற்றாள் சரண். ⁠(55)

கட்டளைக் கலித்துறை

நன்மைதீ மைநிறு வைசெய்யும் நாளில் இடத்தட்டது
பொன்மையாய் மேலேறி நன்மைதீர்ப் பேறிடும் பட்டோலையை
என்மென் கரத்தில் இலங்கிடத் தீதார் தரிசினையால்
பொன்னுலகத்தில் புகுத்தாட்ட வேண்டுதும் பொற்பதியே! ⁠(56)

கோதில் கருமானக் குன்றேறும் கோமான்வெள் ளானையின்மேல்
தீதார் தரிசினைதந் தேபவனி வந்திடு மங்கலமாம்
ஏதமில் நன்மணக் காட்சி எளியேன் இருகண்களால்
மீதுறக் காண விழைந்தேன் அருள்தரும் ஆண்டவரே! ⁠(57)

நேரிசை வெண்பா

பொன்னின் அரங்கப் பெருமானே தங்களின்
சன்னிதி யைப்பிரியாதிந்த - சின்னவள்
என்றும் இருக்க வரந்தர வேண்டியே
நன்றே பணிந்தேன் நயந்து. ⁠(58)

அமானிதம் ஏழை அறியவைத் திட்டீர்கள் ஆண்டவரே!
உமாம கேஸ்வரா! உத்தம மாலே! அயன்உருவே!
இமைப்பொழுது தும்மற வாதவர் கூட்டத்தில் எந்தனையும்
அமரெனக் கொள்ளத் தயவருள் செய்மின் தயாபரரே! ⁠(59)

கண்கள்பல் லாயிரம் கொண்டுமே காணரு காட்சியினை
எண்களால் எண்ணப் படாப்புகழ் ஏந்தலே எம்பெருமான்
மண்ணுல கோர்மர ணம்மிலாப் பேரின்ப வாழ்வு பெற்று
விண்ணவ ராக வரந்தரு வேதியர் ஆண்டவரே! ⁠(60)

மெய்ப்பொருள் மணிமாலை இனிது நிறைவு பெற்றது.

குரு வாழ்க! குருவே துணை!

எல்லாம் ஆண்டவர்கள் தயவு!